Die hystorie dat leuen ende dat regiment des alre grootsten ende machtichsten conincx Alexander die heere ende prince was van alle die werelt

Hoe der manen boom Alexander anderwerf antwoorde Ca: li

[A]Lexander ghinc inwert totten boom mit sijn drie ridders ende aenbede den boom: ende hi peynsde ende begeerde te weten die stat daer hi in steruen soude Ende als die mane began te risen soe antwoorde hem die boom in gryxer talen Alexander. uwen sterfdach naect zeer: Want int naeste iaer ter ix: maent sult ghi steruen te Babilonien: endehet sal v doen een dijn vriendt daer ghijs niet op en meent Alexander weende har-

[fol. g5r]

de zeer ende sijn drie ghesellen die mit hem waren Doe wort alexander in twijfelingen. oft hem eenich van drien doen soude ende: hem berouwede dat hijs niet gevraecht en hadde wye dattet hem doen soude Ende aldus ghingen sij wt eten mer alexander en mocht niet eten van droefheden

Hoe der zonnen boom Alexander die derde vraghe antwoorde ende seyde: