Hoe Alexander in Indien voer Ca. xxxviij
[H]Oe alexander hier na sijn vaert tot Indien maecte te varen Want dit is dat meeste lantscap van alder werelt: want in dit landt wonen xliiij. manieren van volck Ende daer staen wel binnen vijf M: hooftsteden die al vol van rijckheden sijn: want dat lantscap hout bi nae dat een derden deel vander werelt In dit lant sijn alsoe veel wonders datment nymant en soude mogen vertellen Daer sijn so hoghe bomen diemen niet en soude mogen op schieten: Alsoe haest als alexander in desen lande quam: so quam des conincx Porrius bode tegen hem ende hi brocht hem brieuen daer aldusdanige woorden in ghescreuen stonden Hoe bent ghi soe sot ende soe koen dat ghi onsen rijcke naeken dorst Ic rade v dat ghi peynset dat ghi een mensche bent. ende en pijnt v niet tegen gode te doen Ghi moecht wel vernemen wye dat wi sijn want die auenture en vermach teghen ons niet Hier om soe beueel ic v dat ghi wederom te Grycken waert vaert ende laet v hier mede ghenoegen Want weet dat voorwaer hadde ons v conincrijck ergent
Auteursrechtvrij