Die historie dat leven ende dat regiment des alre grootsten ende machtichsten coninc alexanders die heer was ende prince alle der werelt

¶ Alexander antwoerde tot didimus Capittel lxv

ALexander antwoerde didimus der bracmannen coninc ende seide sijn die dingen die ghi segt, soe schijnt dat die bracmannen alleen leuen sonder sonde op dese werelt na dat v ghescrijft ludet, want ghi en nut niet tot enigen tijt die weeldicheit die die natuer ghegheuen heeft allen menschen ende leuen den auenturen ghemeen Dus schijntet dat ghi luden alleene gode sijt of ghi en acht op gode niet want ghi ontsegt hem dat hi v gheuen wil Dit dencket mi bet sotheit dan leuen van vroetscappen