daer hi ghecroent staet Nv vraechden hem sine vrienden, om dat si sagen dat hi dus cranc was, wie hi woude dat na hem sine croene dragen soude van sinen rycke Ende hi seide die beste, mer nyemant en noemde hi, noch hercules sinen soen, noch sijn broeder, noch oec dat kint dat rexanes droech die doe swaer ghinc bi hem mit kinde, want alexander dochtet oneer, Dat hi die soe groten stouten here was, enighen man van so groten rijcke here maken soude hi en waers waerdich want hy hads onwaert enighen man dies niet waerdich en waer sulc goet te laten Ten lesten daghe ontviel hem sijn sprake, doe nam hi sijn vingerlinc ende stact een vanden ionghelingen an sijn hant Doe meenden veel heren die daer waren dat alexander woude dat hi coninc na hem waer Scolastica hystoria seit dat alexanders suster hem fenijnt gaf, om dat si hoepte enen groten heer te crigen ende vrouwe te wesen van alle sijn ryck Ende alsoe saen als hi tfenijnt ontfaen hadde, binnen dat hi doe sprac dat hi doe die sprake verloes Ende om dat hi woude dat nemmermeer also groten heer nae hem wesen soude in aertrijke als hi was, daer om bescreef hi sinen lesten wille, ende deelde sijn
Auteursrechtvrij