¶ Dit waren darius woerden voer sijnre doot Capittel neghentwintich
ALexander na dien dat mi die auonture gheseit heeft soe ist mi vergaen Ende is mi nv ter uren een groet toestelic dinc dat soe groten heer ende so machtigen soe du biste tot mijnre doot wesen sel Hier om bid ic di dattu mi doetste ter aerden eerlic, totter stat daer die coninghen van pertsen mijn vaders begrauen sijn Ende ic bidde di dattu ghewaerdighen wilste te wesen tot mijnre wtvaert eerliken dienende Ic beueel di oec rogadimes mijnre moeder en mijnre broeder monterus en darius minen soen Voert bid ic di dattu roaxanes mijnre dochter tot enen wyue neemste Ander yeesten hebben bescreuen dat darius doot was eer hem alexander sach En doe darius doot was soe dreeffer alexander soe grooten rouwe om ende so groten hantgheslach al hadde hi sijn vader gheweest Ende hi deden eerlic ter aerden nader coninghen van pertsen sede Origius scrijft dat in drien striden dat alexander op darius wan bleuen doot vijftich hondert man Iustinus scrijft dat alexander deylen dede den volc dat mit hem
Auteursrechtvrij