Van Brabant die excellente cronike

[fol. 41r]

Hier beghint dat ander deel der Cronijcken van Brabant.

Dit is die tafel vanden tweesten boeck vander Cronijcken

DAt eerste capittel Vanden beghinne der Troyanen tot Brabon ende Kaerlen beyde kinderen van Franchio

Dat .ij. capittel Vanden voorscreuen Brabon eerste coninck van Agrippinen die den ruese versloech Ende van Karle sijnen broeder here van Tongeren beyde kinderen van Franchio. Ende van Julius Cesar ende vanden keyser Octauianus

[fol. 41v]

Dat .iij. capitel Van Kaerlen Brabons sone die .ij. coninc van Agrippinen ende van sijnen nacomeren tot Ansises toe, die de .xij. coninc van Agrippinen was ende wert kersten

Dat .iiij. capitel. Prologe vanden bome oft linie der princen ende hertogen van Brabant

Dat .v. capitel. Van Ansises den .xij. coninc van Agrippinen, opten welcken den boom beghint

Dat .vi. capitel: Van Brabon Ansises sone deerste kersten prince in Brabant.

Dat .vij. capitel: Vanden tweeden kersten brabone

Dat .viij. capitel Vanden derden Brabon prince van brabant Ende hoe coninc Clodoueus van Vrancrijcke kersten wert

Dat .ix. capitel: Van Kaerlemanne die vierde prince van Brabant op Haspegouwe

Dat .x. capitel: Van Pippijn van Landen gheheten sinte Pippijn die eerste hertoge van Brabant

Dat .xi. capitel: Vanden leuen van sinte Jtten des voorseyden Pippijns huysurouwe

Dat .xij. capitel: Van hertoghe Grymoalde den tweeden Hertoghe van Brabant

Dat .xiij. capitel: Van sinte Begge hertoghinne van Brabant ende Angise haren man

Dat .xiiij. capitel: Van Pippijn van Herstalle die derde hertoge

Dat xv. capitel: Vanden vroomen hertoge Karel Marteel den vierden hertoge van Brabant

Dat xvi. capitel: Van cleyn Pippijn die vijfte hertoge van Brabant die coninc van Vrancrijcke wert

Dat xvij. capitel: Die historie van den duechdelicken leuen ende schone gesten ende striden vanden groten sinte Karlen coninck van vrancrike ende die seste hertoge van Brabant en[de] Lothrijcke ende namaels Roomsche keyser

Dat xviij. capitel: Die historie vanden striden des lants van Spaengien, dat welck coninc Karel bi beuele van sinte Jacob den heyligen apostel tot den kersten gheloue met veel arbeyts ghebracht heeft

Dat xix. capitel: Van Lodewijc die goedertieren keyser ende coninc, ende seuende hertoge van Brabant

Dat xx. capitel: Van sinen kinderen, hoe si teghen malcander streden ende hoe si weder versoenden. Ende hoe Kaerle die caluwe coninc wert, ende vanden Denen ende Noorweghers

Dat xxi. capitel: Van coninck Lodewijc die lispere, ende hoe die denen ende Noorwegers weder int lant quamen

Dat xxij. capitel: Hoe vrancrike gheregeert wert na coninc Lodewijcx doot die lispende was. Ende van Kaerle die simpele sinen sone

Dat .xxiij. capitel. Hoe vrancrijcke geregeert wert na Kaerle die simpele Ende van coninck lodewijck die simpele sijnen sone

Dat .xxiiij. capitel. Van coninck Lotharijs Lodewijcx sone, ende vander oerlogen tusschen hem ende den tweesten keyser oft coninc Otto

Dat .xxv. capitel. Hoe hertoge Karel van Lothrike ende van brabant vander cronen berooft wert van Hughen den graue van Parijs geheeten Capet

Dat .xxvi. capitel. Van hertoge Otte karels sone Ende hoe lothrike een deele van Brabant na sijn doot quam in dye

[fol. 42r]

handen vanden graue van Ardennen

Dat .xxvij. capitel. Van Gherberghen grauinne van Louen ende van Bruessel ende van Lambrecht metten baerde haren man Ende vanden anderen grauen van Louen ende van Bruessel tot Godeuaerde metten baerde toe

Dat .xxviij. capitel. Hoe die vaert ouer die zee began ten heyligen lande die seer swaerlic toe ginc Ende hoe Godeuaert van Billoen hertoge van Lothrike Jerusalem wan met den kersten heyre

Dat .xxix. capitel. Van godeuaert metten baerde hoe hi thertochdom weder creech Ende vanden onderscheyde van Lothrijc ende van Brabant

Dat .xxx. capitel. Vanden tweeden Godeuaert hoe dat hi orlochde op hertoge Henrick van Limborch

Dat .xxxi. capitel. Vanden derden Godeuaert, die ionck sijnde in die wyege hinck aen een wilge, daer die brabanders drie dagen lanck streden tegen de Grimberssche heeren die seere machtich waren, ende die brabanders hadden victorie

Dat xxxij. capitel. Vanden vromen hertoge Henrick deerste van dien name

Dat xxxiij. capitel. Vanden tweden hertoge Henrick gheheten die grootmoedige.

Dat .xxxiiij. capitel. Vanden heyligen coninc sinte Lodewijck van vrancrijck ende van sinen heyligen doctrinen ende leringen.

Dat .xxxv. capitel. Vanden derden hertoge Henrick gheheten die sachtmoedige ende van sijnen gheslachte

Dat .xxxvi. capitel. Vanden eersten hertoge Jan, ende vanden groten strijde te woeronck, daer hi victorie hadde

Dat .xxxvij. capitel. Vanden tweeden hertoge Jan, in wiens tijde den strijt voor Cortrijcke geuiel, ende van sijnder orlogen tegen Mechelen ende daer na tegen bruessel

Dat .xxxviij. capitel. Vanden derden hertoge Jan, ende van drie plagen die geschieden, ende van sinen oorlogen in sijnder ioncheyt

Dat .xxxix. capitel. Hoe coninc Jan van Behem in Brabant quam Ende hoe hertoghe Jan tweewerf belach valckenborch ende ten eynde wan

Dat .xl. capitel. Hoe hertoge Jan orlochde tegen .xvi. lantsheeren. Ende hoe hy daer na sinen soon huwede aen des conincs dochter van vrancrijcke

Dat .xli. capitel. Van hertoge Jans orlogen tegen .xvi. lantsheeren bi toebringen vanden ouden graue Lodewijck van Vlaenderen, ende ten oczuyne vander stadt van Mechelen die hy ghecocht hadde Ende hoe coninc Philippus van vrancrijck die sake opnam etcetera. Ende hoe Mechelen aen Brabant quam etcetera.

Dat xlij. capitel. Hoe coninc Eduwaert van Engelant die derde in Brabant quam Ende van sijnen oorlogen op Vrancrijck ende vanden iammerlijcken iaren

Dat .xliij. capitel. Hoe hertoge Jan van Brabant voorseyt sijn sonen ende dochteren te huwelijck bestade. Ende vanden strijde die hi op die Ludickers wan

Dat xliiij. capitel. Vanden oorloge die na hertoge Jans doot opstont tusschen brabant endeVlaenderen Ende hoe graue Lodewijc te Mechelen ontfangen wert

Een recapitulacie ende verhalinge vander stadt van Mechelen, hoe dat se van yerste geregeert gheweest heuet tot vrou Jannen toe incluys

Dat xlv. capitel. Vanden wonderlijcken verbonde met Kaerlen den vierden keyser Ende voort van graue Lodewijcs oorlogen tegen Brabant

Dat .xlvi. capitel. Vander wtspraken ende

[fol. 42v]

seggen hertoge Willems grauen van Henegouwe ende van Hollant opt geschille van hertoge Wencelijn ende graue Lodewijck van Vlaenderen Ende hoe graue Lodewijck dwanck die stadt van Antwerpen aengaende die drie mercten.

Dat .xlvij. capitel. Hoe die ghemeynte te Louen ende te Bruessel opstont Ende hoe hertoghe Wencelijn Louene belach

Jtem hoe hi track voor Rauesteyn, dair na in Sauoyen Ende daer na voor heymersbach, dwelck hi wan

Dat xlviij. capitel. Hoe hertoch reinout die outste broeder van Gelre geuangen wert van sinen ioncsten broeder Ende hoe die oorloge began tusschen die brabanders ende Gheldersche

Dat .xlix. capitel. Hoe die orloge began tusscen hertoge wencelijn van Brabant ende marcgraue willem van Gulick ende vanden strijde te Baeswyldere, daer hertoge Wencelijn gheuangen werdet. etcetera

Dat .l. capitel. Vander ghemeynten die te Louen weder op stont Ende hoe die heren te Louen in die pijcken gheworpen worden Ende hoe hertoge wencelijn Louen weder belach, ende van hertoge wencelijns doot te Lutzenborch

Dat .li. capitel. Hoe die oorloge weder opstont tusschen hertoge willem van Gelre ende vrouwe Janne van Brabant Ende hoe Graue ende Cuyck eerst aen Brabant quam

Dat .lij. capitel. Hoe weder een nieuwe orloge begonst tusschen Brabant ende Ghelderlant

Dat .liij. capitel. Vanden oore hertoge Philips van Bourgoengen Ende bisonder van Anthonijs sinen middelsten sone Ende van vrouwe Jannen van brabant condicien ende hoe si afliuich werdt

Dat .liiij. capitel. Hoe Anthonijs van borgongen int brabant voor hertoge ontfangen wert ende van sijnen hogen gheslachte ende hoe hi sijn tweeste huysvrouw troude

Dat .lv. capitel. Hoe hertoghe Anthonijs dat lant van Lutzenborch mit veel arbeyts hem onderdanich maecte Ende van coninc Segemont van Hongeren ende Behem die ooc Roomsch coninc was. Ende vanden strijde der Fransoysen tegen dingelsche daer hertoge Anthonijs verslagen wert te Blangijs

Dat .lvi. capitel. Van hertoghe Janne Anthonijs sone

Dat .lvij. capitel. Vanden huwelijcke tusschen hertoge Janne ende vrou Jacoba hertoghe Willems dochter graue van Henegouwe Hollant ende Zeelant Ende vanden regimente int hof. etcetera.

Dat .lviij. capitel. Hoe Philips graue van sintpol ende van Liney hertoge Jans broeder ruwaert van brabant werdt. Ende hoe hertoghe Jan metten Heynsbergheren te Brussel quam

Dat .lix. capitel. Hoe die orloge begonst tusschen hertoghe Jan van Brabant ende dingelschen. etcetera. Ende hoe hi van lijue quam ter doot

Dat .lx. capitel. Vanden eersten hertoge Philips hertoge Jans broeder

Dat .lxi. capitel. Vanden tweeden hertoghe Philips die oock hertoghe van Bourgoengnien was Ende van sijnen oorlogen in veele landen

Dat .lxij. capitel. Noch van hertoge Philips hoe Lodewijck die dolphijn bi hem quam, dien hi namaels behulpich was totter cronen. Ende vanden orlogen in Vrancijrck ende opt lant van Ludick

Dat .lxiij. capitel. Van hertoge Kaerle van Bourgongen van brabant. etcetera. Ende van

[fol. 43r]

sinen orlogen weder opt lant van Ludick ende in Vrancrijck

Dat .lxiiij. capitel. Noch van hertoghe Karels orlogen in Almanien, in Switzen, in Loreynen

Dat .lxv. capitel. Van vrouwe Marie eenige dochter Karels van Bourgondien ende van Brabant Ende van hertoghe Maximiliaen van Oostenrijc haren man Ende van sijn victorien ende noch ander auontueren

Dat .lxvi. lxvij. lxviij. lix. capitel. van coninc Philippus keyser Maximilianus sone van sijn orlogen op Ghelderlant, ende van sijn reysen in Spaengien daer hi coninc ghecroont wert, ende van sijn doot

Dat .lxx. capitel. Hoe Maximiliaen keyser wert voocht gecoren van desen landen na die doot van coninc philippus Ende vanden payse van Camerijcke, ende weder vander gelderscher orlogen

Daer na salmen scriuen van Karolus den keyser coninc Philippus sone van sinen reysen ende ontfanck in Spaengien ende van sijn cronemente aldaer

Hoe die mogende prince Karolus keyser ghecoren wert na Maximilianus doot, Ende van sijn oorlogen ende wonderlijcke victorien, dye hi gehadt heeft in Jtalien tegen coninc Franciscus van Vrancrijcke, ende vanden slach voor Pauien, daer die selue coninc Franciscus gheuangen wert, ende noch meer auonturen, soe ghi daer breeder vinden sult. Ende noch vander Ghelderscher orlogen ende hoe tsticht van Utrecht aen thof van Bourgondien ghecomen is, met meer ander dingen.

Hier eyndet die tafel vanden tweeden deele deser cronijcken.