Een Aemstelredams amoureus lietboeck

Een nieu Liedeken, Op de wijse: alzoot beghint.

In een palleys quam ic ghegaen,
In een palleys quam ic ghegaen,
In een palleys quam ic ghegaen,
Int soetste vande Mey
Quam ick mijn Liefken by

Mijn docht ic was int Paradijs.      etc.
Elck voghelken op een rijs
Sy zonghen daerom prijs.

By een fonteyn van water claer.      etc.
Veel bloemkens vant ick daer
Het was de tijt van t'Iaer.

Die Nachtegael lustich van sanck.      etc.
Mijn Liefs keelken blanck
Het was so soeten sang

Mijn Liefken was daer in verhuecht.      etc.

[p. 91]

 

Al door mijn liefkens iuecht,

 

Was ick daer in verhuecht.

 

 

 

Princesse ick was daer in verblijt,      etc.

 

Ghy alleen die liefste sijt

 

Al wort het ons benijt.