Een Aemstelredams amoureus lietboeck(1589)–Anoniem Een Aemstelredams amoureus lietboeck– Auteursrechtvrij Vorige Volgende Een nieu Liedeken, Op die wijse. ungceur trassi Lamant Piramus Ick sat en fantazeerde, Ick docht in mijnen zin Ick wist wel wat my deerde, Want ick haer zeer bemin, Om een die my veracht // duer tghedacht Is mijn herte seer beswaert Want my dunckt zy slacht, inden cracht Een die thoont wel haren aert. Lamoureuse Thisbe Doet wech v fantazeeren, Mijn alderliefste Lief, Ick sal sonder cesceren Haest beteren v gherief En v herteken bang // eer iet lang, Sal ick gheuen Medecijn, Eerst viel ick v strang // duer v sang, Dus vermorstet therte mijn. Lamant Ick heb haer mijn ghedachten Verclaert so menich reys Het welcke waer mijn droom by nachte En sdaechs oock mijn ghepeys Dat ick om haer truyr // tot elcker uyr, Dat is my groote pijn Het lyden valt my suyr, als een vuyr, Is ontsteecken het herte mijn. Lamoreuse En wilt niet despereren, Noch wt den lande ghaen, Ick sal sonder vermeren, Haest beteren v vermaen Dus neemt werom en keer, en comt weer En weest van my niet schu Trouw, goet, lijf, en eer, wilt ghy meer Stel ick ghansselick om v. Lamant. [pagina 92] [p. 92] Mijn hert is my duersteken, Met Venus stralen duerwont, Niet wel kan ickt wt spreken Mijns sherten sin en gront Want het swaer torment, my heel schent, Om dat ick seer desolaet Van v liefden ient, die gheprent Altoos in mijn herteken staet. Lamoreuse. Al heb ick v bewesen, Somtijts een zuer ghelaet En wilt daerom niet vresen Ick heb v noyt ghehaet Maer ic hebt meest gedaen, om twel staen Om te proeuen uwen sin, Dus swijcht hier af tvermaen, nv voortaen, onuerdwaelt is v min. Lamant Ick woud zy wilde ghelouen Dat ick haer zeer bemin Maer neen zij slacht den douen, Dus ick gheen troost ghewin, Daerom ben ick siet, int verdriet Die nyders sijn my swaer Want altijt wort ic bespiet // alst geschiet Dat ick haer mijn liefde verclaer. Lamoreuse. Qua clappers en clappeyen Qua tonghen ick niet en acht Als wy mer met ons beyden, Tsamen zijn eendracht Want alleen haet en nijt // sal metter tijt Van hem selfs wel verghaen Die ons nu meest benijt // en doen spijt, Zal hem ten besten wel verstaen. Lamant Princesse Princesse om gheen clappeyen, En sal ick v oock laten niet Al ist dat zijt verbreyen, Ten sal hun baten niet Het waer saeck dat die doot // lief minioot Een van ons het leuen benam Maer haer fel aenstoot // ick segt v bloot [pagina 93] [p. 93] Ick wou dat zy my eerst aenquam. Lamoreuse Prince Prince neemt int ghoede Voor antwoort op v lied Ick stel my ghants in v behoede, Dus na my omme siet Ten is niet van noot // lief minioot Dat ghy steruen sout om my Want ick gheef my bloot // om den doot, Te beletten, dus comt by my. Vorige Volgende
Auteursrechtvrij Auteursrechtvrij Auteursrechtvrij
Auteursrechtvrij
Auteursrechtvrij