Een Aemstelredams amoureus lietboeck

Een nieu Liedeken, Op de wijse: alsoot beghint.

Die Mey zeer excellent,
Ontspruyt met zijnen bladen
In desen soeten tijt,

[p. 29]

 

Verblijt v met iolyt

 

En acht gheen nyders quaet,

 

Comt nu al in present

 

Wilt Venus niet versmaden

 

Ziet hoe het met v ghaet

 

Cupido pertinent sal v altijt beraden

 

Wt Liefden delicaet

 

Dus haest v metter daet

 

Wilt wt den slaep ontspringen,

 

Wilt singhen met danck

 

Die Mey kan vruechde inbrengen

 

Maer dese kunst is cranck

 

 

 

Ceres groot vermaert,

 

Doet nu haer loff ontspruyten

 

Zeer lieflick aen elcken kant,

 

Playsant en triumphant

 

Staet nu haer lof zeer soet

 

Dus comt al onbeswaert

 

By fonteynen en conduyten

 

Daer Venus v leyen doet

 

Ghy muzeen onbeswaert,

 

Comt al met Herpen ende met Luyten

 

Want Apollo hem oock spoet

 

Deana met ootmoet // comt ooc in dit rosier

 

Wilt iubileren en spaceren toont hier

 

Die Mey doet vruecht vermeren,

 

So soet is zijn bestier.

 

 

 

Reyn liefde eerbaer,

 

Wilt met v Lief bedrijuen

 

Na oprecht minnaers aert

 

Onbeswaert en onveruaert

 

Wilt nu bedrijuen vruecht,

 

So sal Juno voorwaer

 

Dan doen na v gherijeuen

 

Want in reyn Liefde heeft zy ghenuecht

 

Haer ghunste claer

 

Salt altoos by v blijuen

 

Aldus verhuecht in duecht

 

Comt voor ghy ionghe iuecht

 

Hoort Mercurius soet gheluyt,

 

Die snaren die clincken

 

Sincken moet des nijders ruyt

 

Auroram sietmen blincken,

 

Alle dinck heeft zijn virtuyt.

 

 

[p. 30]

 

Princesse ghepresen schoon,

 

Wilt dit in danck ontfanghen

 

Al is die konste cleyn,

 

Pleyn is gheschiet certeyn

 

Wt Liefden minioot

 

Ghy spant alleyn de croon

 

Wy groeten v met sanghe,

 

Als Venus dienaers bloon

 

Int swerelts hoon,

 

Staet na v verlanghen

 

Wt rechter liefden groot,

 

Cupido die therte doorschiet,

 

Mijn sinnen blijuen in pijn

 

Liefde kant al verwinnen

 

Het is soet fenijn.