Souterliedekens
(1540)–Willem van Zuylen van Nyevelt–
Auteursrechtvrij§ Ezechias lofsanc. Na de wise Ghi lustige amoreuse geesten INt middel sprack ick van minen daghen Ga naar margenoot+
Ick wil ter hellen dalende zijn
Ick heb ghesocht nae mijn behaghen Ga naar margenoot+
Het ouerbliuen der iaren mijn
Ick heb ghesproken met droeuen schijn
Dat ick den Heere niet sien en
| |
[Folio Y3r]
| |
 sal
Int lant des leuens, dit doet my claghen
En swaerlijck trueren met groot gheschal.
Gheen mensch en sal ic aenscouwen mogen Ga naar margenoot+
Noch yemant sien die in rusten blijft
Mijn generacy is mi onttoghen Ga naar margenoot+
Tsamen ghevouwen, bi een gherijft
Recht alsmen herders hutten drijft
Recht als een weuer zijn laken snijt
So is besneden, en mi ontuloghen Ga naar margenoot+
Mijn leuen hier in desen tijt
Als ick dat noch hier wou beghinnen Ga naar margenoot+
Heeft hi mi afghesneden heel
Van smorghens tot den auont binnen
Sult ghi my hier voleynden veel
Ick my verhoepte een beter deel
Al totten morghen heeft hy verdruct Ga naar margenoot+
Al mijn ghebeenten: met strenghe sinnen
Recht als een leeu ontwee gheruct
Uan smorghens, tot den auont stonde. Ga naar margenoot+
Sult ghi voleynden mi hier certeyn
Dan sal ick roepen met minen monde
Als een ionghe swaluwe cleyn
En als een duyfken maken gheweyn
Mijn oghen zijn (hoort dit ghewach) Ga naar margenoot+
Verdonckert seere tot een oorconde
Als ick den hooghen hemel aensach
Uerantwoert mi, ghewelt ick draghe Ga naar margenoot+
| |
[Folio Y3v]
| |
Wat sal ick segghen en doen verstaen?
Wat sal hi antwoerden op mijn vraghe
Na dyen hi selue dat heeft ghedaen.
Ick sal herdencken, en doen vermaen Ga naar margenoot+
In bitterheyden mijn iaren siet.
En seer bedroeuen tot elcken daghe
Sal haer mijn siele, om dit verdriet.
O Heer yst datmen so moet leuen Ga naar margenoot+
Is dit het leuen van minen gheest
Ghi sult mi straffen, het leuen gheuen
Siet, inden vrede so leyt hier meest
Mijn bitterheyt ende swaer tempeest
Mijn siele wout ghi verlossen seer Ga naar margenoot+
Want haer bederuen hebt ghi verdreuen
En hebt mijn sonden verworpen veer
Want v die helle niet en sal beliden Ga naar margenoot+
Noch v en sal louen die bitter doot
Die neder in den kuyle gliden
Niet en verwachten v waerheyt bloot
Maer die int soete leuen vloot Ga naar margenoot+
Die sal beliden v Heere goet
Als ick doe heden, sonder vermiden
Die vader: maect zijn kindren v waerheyt vroet.
O Heere mijn God wilt mi behouwen Ga naar margenoot+
Wilt mi bewaren weerde princhier.
Dan sullen wij mannen ende vrouwen
Ons psalmen singhen met allen fier
Alle die daghen ons leuens hier
V louen, dancken nae v ghebodt,
Int Sheeren huys met vast betrouwen
V glorie gheuen, o Heere Godt.
|
|