Souterliedekens
(1540)–Willem van Zuylen van Nyevelt–
Auteursrechtvrij§ Den .C.xlix. psalm Cantate Domino canticum nouum Na die wise van Potteren. Wie wilt horen een nyeuwe liet. Wat Thantwerpen is gheschiet. WIlt singen den Heer een nieuwe liet
Sijn lof moet zijn met alle vliet
In die ghemeynt vercoren
Al by den heylgen (hoort dit bediet)
Datmen zijn prijs mach horen.
| |
[Folio Y1r]
| |
Laet Israel vrolijck en blide zijn Ga naar margenoot+
In God zijn Heer, en schepper fijn.
Die dochteren vol duechden
Van Syon: laet daer met bliden schijn
In haren coninck veruruechden.
Laet haer den naem van God den Heer Ga naar margenoot+
Louen, en dancken, altijt meer
In danssen, in tamboren,
Met herpen hem prisen, en singhen seer
Sijn lof brenghen te voren.
Want God een welbehaghen heeft Ga naar margenoot+
Al op zijn volck dat hem aencleeft
En hy wou exalteeren
Den goeden, die hy salicheyt gheeft
Haer brenghen tot groter eeren.
Die heylighen sullen ter eeren hier Ga naar margenoot+
Met vruechden in glory wesen fier
En sullen dan midts desen
Seer bly, en ghenuechlijck van manier
In haer slaep camer wesen.
Het lof van den Heer sal worden veel Ga naar margenoot+
Verhaelt, en ghepresen met haerder keel.
Sweerden die scherp sniden
In haren handen sy hebben gheheel
Seer scherp aen beyden siden.
Op dat si aen die heydenen quaet Ga naar margenoot+
Dat moghen wreken metter daet
Dat si moghen castyen.
En straffen haer vianden vroech en laet
Die teghens haer partyen.
Dat si haer coningen moghen slaen Ga naar margenoot+
In boeyen: met ketenen haer beuaen
Haer edelen so vanden
Dat syse ghebonden hier laten gaen
En dat met yseren banden.
| |
[Folio Y1v]
| |
Op dat si die wrake hen thoonen dan Ga naar margenoot+
Die God almachtich hem allen gan
Die haer was toe ghescreuen
Dees glory sal hebben vrou ende man
Sijn heylighen seer verheuen.
|
|