Souterliedekens
(1540)–Willem van Zuylen van Nyevelt–
Auteursrechtvrij§ Den .C.xlv. psalm Lauda anima mea Dominum. Nae die wise Loouerkens dat zijn loouerkens. § Loeft God. LOuen soe wilt mijn siel den Heer
Louen wilt hem en dancbaer zijn
Ick sal hem van goeder herten seer
Singhen en louen met bliden schijn
Tallen termijn, hem dancken fijn
Den Heere der Heeren, vol alder eeren
Mijnder sielen medecijn.
Hopen, betrouwen en wilt toch niet Ga naar margenoot+
Op Princen, en menschen kindren quaet
Daermen gheen salicheyt in en siet
| |
[Folio X5v]
| |
Want sinen gheest ter aerden gaet Ga naar margenoot+
Dan metter daet: Haer ghedachten en raet
Sal moeten versmoren: en blijuen verloren
Want verganclijck is haren staet.
Salich is hi dyen Iacobs God Ga naar margenoot+
Wesen een hulper wil altijt
Sijn hoep in den Heer (dat is het slot)
Is in sinen God ghebenedijt
Den hemel wijt: daertrijck subijt
Die zee, en riuieren, met al haer dieren
Hy ghemaect heeft sonder respijt.
Eewich zijn waerheyt hi bewaert. Ga naar margenoot+
Diemen hier onghelijck aen doet
Recht, ende bistant hy verclaert
Ende can gheuen spise soet
Dyen den hongher ghemoet: Die Here goet
Die bedructe can vanden: en breken haer banden Ga naar margenoot+
Die ooghen der blinden hi open doet.
Rechten so can die Heere snel Ga naar margenoot+
Al die gheuallen ligghen daer.
Ende beminnen den goeden wel,
Den vreemden bewaren, als een vaer. Ga naar margenoot+
Den weduwen voerwaer: Den weezen te gaer
Sal hi ontfanghen, met groot verlanghen
En breken der sondaers weghen swaer.
Eewich so sal regneren, hoort Ga naar margenoot+
God onse Heer van grooter cracht
Eewich (al nae zijn heylich woort)
Dueren zijn rijck sal, ende macht,
Tot allen gheslacht: (Syon dit acht)
Sal God triumpheren: altijt regneren.
Houden wilt dit in v ghedacht.
|
|