Souterliedekens
(1540)–Willem van Zuylen van Nyevelt–
Auteursrechtvrij§ Den .C.xliij. psalm doen Dauid teghen Goliath streedt. Benedictus Dominus Deus meus. Na die wise Doer liefde ben ick ter doot ghewont. Mijn Heere mijn God ghebenedijt Ga naar margenoot+
Moet zijn altijt
Met groot iolijt
Mijn handen die leert hy totten strijt
Mijn vingeren seer crachtich
Ten oerloech leert hi sonder respijt
Mijn bermherticheyt wijt Ga naar margenoot+
Die my verblijt
Mijn toeulucht is hy wijt en zijt
Mijn ontfangher God almachtich
En mijn verlosser waer-
| |
[Folio X3r]
| |
 achtich.
End hy is mijn beschermer soet, Ga naar margenoot+
Mijn hoep, ende moet.
Die mi behoet.
Mijn volc maect hi ghehoorsaem, vroet.
Wat is een mensch o Heere? Ga naar margenoot+
Dat ghi v seluen metter spoet
Hem open doet
En hout so goet
Dat ghi dat menschelijcke bloet
Wilt achten aldus seere
Bewisen sodanighen eere.
Der ydelheyt is die mensch voerwaer Ga naar margenoot+
Gheworden aldaer
Ghelijck: this claer.
Sijn daghen vergaen hier alle gaer
En als een schym verdwinen.
Buycht Heer v hemelen openbaer Ga naar margenoot+
Climt neder vaer
Die berghen swaer
Wilt raken: een roock sal gaen van haer
V blixem laet doch schinen Ga naar margenoot+
Ghi sultse daer mede seer pinen.
U hant van bouen neder slaet Ga naar margenoot+
My metter daet
Verlost: by staet,
Van dwater dat hier ront om mi gaet
En van der vreemden handen
Haer mont die sprack bouen die maet Ga naar margenoot+
Vroech ende laet
Ydelheyt quaet.
| |
[Folio X3v]
| |
Haer rechter hant (dees woorden vaet)
Is boos, en vol van schanden
En wilt ons daer mede niet vanden.
Ick sal v singhen een nyeuwe liet Ga naar margenoot+
Met alle vliet
En swighen niet
O God op herpen, siet,
Een herpe van thien snaren
Salicheyt ghi den coninghen biet Ga naar margenoot+
Hoort dit bediet
En dan gheschiet
Dat ghi Dauid wt zijn verdriet
Verlost: en wilt bewaren
En vanden sweerde wilt sparen.
Uerlost mi van den kindren hier Ga naar margenoot+
Vreemt van manier
Wiens mont puytier
Van ydelen saken sonder bestier
Heeft altijt willen spreken.
Haer rechter hant boos en onghier
Dooch niet een sier
Haer kindren schier Ga naar margenoot+
Als ionghe plantkens op wassen fier.
Haer dochteren die preken Ga naar margenoot+
Schoon: bi eenen tempel gheleken.
En haer tresooren, groot en cleyn Ga naar margenoot+
Sijn vol, en pleyn,
Vruchtbaer certeyn
Sijn hier haer schapen al ghemeyn, Ga naar margenoot+
Haer ossen vet ghepresen.
Haer mueren staen in haren steyn Ga naar margenoot+
Seer vast alleyn
Men gheen gheweyn
En hoort in haren straten reyn.
Salich die zijn, midts desen Ga naar margenoot+
| |
[Folio X4r]
| |
Wiens God, onse Heere wil wesen. Ga naar margenoot+
|
|