Souterliedekens
(1540)–Willem van Zuylen van Nyevelt–
Auteursrechtvrij
[Folio X1v]
| |
 OCh Heere verhoort doch mijn gheclach Ga naar margenoot+
Mijn bidden ende kermen alden dach
V ooren laet ontfanghen
End in uwe waerheyt wilt hooren my
Met dijn gherechticheyt daer by
Daer nae staet alle mijn verlanghen.
En treedt neyt int oordeel met dinen knecht Ga naar margenoot+
Want al die daer leeft blijft ongherecht
Voer v aensicht o Heere
Die vyant heeft veruolcht die siele mijn Ga naar margenoot+
Mijn leuen met een so swaren schijn
Heeft hi vertreden alsoe leere
Hy stelde mi duyster in een prisoen Ga naar margenoot+
Ghelijcmen die dooden plach te doen
Mijn gheest moest liden draghen
Ghestoort was mijn hert, en seer beteest
| |
[Folio X2r]
| |
End ick ghedachtich ben gheweest Ga naar margenoot+
Op die langhe oude daghen.
In alle v wercken was mijn ghedacht Ga naar margenoot+
In dinghen van v handen ghewracht.
Tot v hief ick mijn handen. Ga naar margenoot+
Mijn siel is tot v (hoort dit prolooch)
Gheworden ghelijc een lant seer drooch
Daer om o Heere wilt my vanden.
Uerhoort mi toch haestlijc metter spoet Ga naar margenoot+
Mijn gheest is vergaen in minen moet
V aensicht laet niet verdwalen Ga naar margenoot+
Van my: dat ick niet ghelijck en wordt
Den menschen hier metter doot beghordt
Die ter aerden neder dalen.
Laet my v bermherticheyt hooren nv Ga naar margenoot+
Vroech smorgens: mijn hoep die staet op v.
Een wech my in dit leuen Ga naar margenoot+
Wilt wisen: en maken my bekent
Dyen ick mach gaen, Heer excellent
Mijn siel heb ick tot v gheheuen.
Trect mi van mijn vyanden fel en boos Ga naar margenoot+
Tot v ick gheuloden heb altoos
Leert my uwen wil hier pleghen
Ghi zijt mijn God: end v goede gheest Ga naar margenoot+
Die sal my gheleyden onbeureest
In dat rechte lant ter deghen.
Ghi sult dan o Heere mijn God heylsaem Ga naar margenoot+
Mi leuendich maken, om dinen naem.
Doer v rechtuaerdicheyden Ga naar margenoot+
Mijn siel sult ghi wt haer verdriet
Als tribulacy mi hier gheschiet
Seer ghetrouwelijck wt leyden.
En ghi in ghenade sult brenghen te val Ga naar margenoot+
Mijn vianden vernielen, verdrucken al
Al die mijn siel verstoren
| |
[Folio X2v]
| |
Sult ghi verpletten groot ende cleyn
En haer bederuen al ghemeyn
Ick ben v dienaer wtuercoren.
|
|