Souterliedekens
(1540)–Willem van Zuylen van Nyevelt–
Auteursrechtvrij
[Folio O4r]
| |
 DIe Heer die wou regneren Ga naar margenoot+
Daer om moet worden bly
Het aertrijc vruecht vermeeren
Die eylanden melody
Wolcken en duysterheyden Ga naar margenoot+
Den bosen hi bereyden
Gherechticheyt blijft hem by.
Een vier sal zijn onsteken Ga naar margenoot+
Voer hem (dit si bekant)
Dat sal certeyn noch wreken
Verbernen zijn vyant
Sijn blixem viel ter aerden Ga naar margenoot+
Die daer af veruaerden
En vreesde zijn groote hant.
Men sach als wasch verdwinen Ga naar margenoot+
Die berghen groot en cleyn
Het aertrijck vol van pinen
Al voer Gods aensicht reyn.
Sijn gherechticheyt vertoghen Ga naar margenoot+
Die hemelen sonder loghen
Sijn glory sach tvolck ghemeyn.
Sij moeten haer wel schamen Ga naar margenoot+
| |
[Folio O4v]
| |
Die beelden bidden aen
Afgoden die by namen
Aenroepen: (hoort dit vermaen)
Die daer in glorieren.
En haer van God hier keren
En willen tot hem niet gaen.
Ghi enghelen hooch ghepresen Ga naar margenoot+
Aenbidt hem dach en nacht
Syon wou vrolijck wesen
Wanneer dit was volbracht
Die dochteren hen verbliden
Van Iuda allen tiden
Om dijnre gherecht en cracht.
Ghi zijt die hoochste Heere Ga naar margenoot+
Int aertsche lant voerwaer
Bouen den goden seere
Sijt ghi verheuen al daer
Ghi die wilt God beminnen Ga naar margenoot+
Het quaet met al v sinnen
Wilt haten, ghi zijt zijn chaer.
Die Heere sal bewaren Ga naar margenoot+
Haer sielen van dat quaet
Sijn knechten sal hy sparen
Haer altijt comen te baet
Al van die hant der quaden
Sal hyse wel ontladen
En wesen haer toeuerlaet.
Een licht is tot den goeden Ga naar margenoot+
Ghecomen met een vruecht
God sal ons wel behoeden Ga naar margenoot+
In hem so weest verhuecht
Sijn heylicheyt wilt prisen
Hem altijt lof bewisen
En dancken zijn groote duecht.
|
|