Souterliedekens
(1540)–Willem van Zuylen van Nyevelt–
Auteursrechtvrij§ Den .lxxxix. psalm Domine refugium factus es no. Nae die wise Help God hoe wee doet scheyden. ONs toeulucht Heer ghepresen Ga naar margenoot+
Sijt ghi hier dach en nacht:
Eer dat die berghen resen: Ga naar margenoot+
Eert aertrijc was van v volbracht
Een God gheacht, van groter cracht
Een God eewich int wesen
Seer wonderlijck
| |
[Folio N5r]
| |
 is o Heer v macht.
En laet den mensch niet treden Ga naar margenoot+
Van tgoet: tot den sondaer
Ghi spraect: wilt v bereden
Ter aerden wilt comen alle gaer
Want duysent iaer, voer v mijn vaer Ga naar margenoot+
Den dach die is gheleden
Gheleken hier wort, this openbaer.
Haer iaren die sy leuen Ga naar margenoot+
Die worden gheacht seer cleyn,
Ghelijct cruyt, smorghens verheuen Ga naar margenoot+
Dat tsauonts wort dor, en oock onreyn
Wij al ghemeyn, worden certeyn
Van uwen thoorn ghedreuen Ga naar margenoot+
Als ghi ons bracht in swaer gheweyn.
Ghi stelde voer v ooghen Ga naar margenoot+
Ons boosheyt en misdaet
Ons daghen zijn gheuloghen Ga naar margenoot+
Vwen toorn was groot en daer toe quaet
Ons leuens staet, cort bouen die maet Ga naar margenoot+
Alst lang hier wort vertoghen
Tot tseuentich iaer yst dattet gaet.
Die tachtich iaer hier dueren Ga naar margenoot+
Die leuen een langhen tijt
Arbeyt tot allen vren Ga naar margenoot+
Sij lijden hier pijn sonder respijt
God ons dan smijt, maer this profijt
Wanneer ons sinnen trueren
Wanneer ons stercheyt van ons glijt.
Wie yst die can gronderen Ga naar margenoot+
Vwen thoorn met zijn verstant
| |
[Folio N5v]
| |
Als ghi wilt corrigeren
Die menschen, al hier int aertsche lant
V rechter hant, maect mi bekant Ga naar margenoot+
Ons wijsheyt wilt vermeren
Die ghi o Heer on ons herten plant
O Heer wilt v bekeeren Ga naar margenoot+
Wilt ons ghebet ontfaen
V knechten dat begheeren
Laet ons v goetheyt comen aen. Ga naar margenoot+
Verblijt ons saen, hoort ons vermaen
Op dat wij iubileren
Ons leuen altijt met vruecht beuaen.
Wij zijn voer sulcke daghen Ga naar margenoot+
(Doen wij zijn verootmoet)
Verblijt, nae v behaghen
Nae dliden seynt ons v vruechde soet
V ooghen goet, doch open doet Ga naar margenoot+
V kindren wilt toe draghen
V gracy daer ghi ons me behoet
Gods licht moet op ons dalen Ga naar margenoot+
Ons wercken altijt leyt
V goddelijcke stralen
Seynt doer v goedertierenheyt
Ons werck bereyt, en soe verbreyt
Dat wij salicheyt halen
Soe ghi ons hier hebt toe gheseyt
|
|