Souterliedekens
(1540)–Willem van Zuylen van Nyevelt–
Auteursrechtvrij§ Den .lxxviij. psalm Deus venerunt gentes in hereditatem. Na die wise Nv hoort nae mi ghi Venus kinderen. DIe heydens quamen tot v vercoren Ga naar margenoot+
Die uwen tempel hebben besmet
Ierusalem hebben sij willen verstoren
Tot een verloren huys gheset
V dienaers lichamen soe verplet Ga naar margenoot+
Aten die voghelen al ghelijck.
| |
[Folio L8r]
| |
 Haer heylighe vleesch Heer wilt dit horen
Lach voer den beesten al in dat slijck.
Haer bloet sy hebben daer vergoten Ga naar margenoot+
Als eenen groten water vloet
Te Ierusalem liep dat in die sloten
Daer was niet een alsoe ghemoet
Die wou begrauen v heylighen goet. Ga naar margenoot+
Ons ghebueren werden wij tot een spodt
Ons sy beghecken en seer verstooten
Wilt dit aensien o Heer, o Godt.
Sal uwen thoorn ons langher deeren? Ga naar margenoot+
Sult ghi o Heer niet ontsteken schier
Teghens den boosen die v versweeren?
Wilt daer op storten v toornich vier. Ga naar margenoot+
Al die v niet en bekennen hier
Die rijcken die uwen grooten naem
Niet en betrouwen, noch ooc begheeren
Die zijn o Heer van booser faem.
Iacob hebben sy heel verslonden Ga naar margenoot+
Sijn plaets ghemaect heel desolaet
Wilt niet ghedencken ons oude sonden Ga naar margenoot+
Maer wilt ons comen o Heer te baet
Wij zijn ellendich in onsen staet.
Daer om wilt onser ghenadich zijn.
Haestelijck o Heer gheneest ons wonden
En wilt ons helpen wt onser pijn
O God ghi zijt vol salicheyden Ga naar margenoot+
| |
[Folio L8v]
| |
Om dinen naem helpt ons alleyn
En laet dees eer niet van v scheyden,
Oft ghi maect ons van sonden reyn
Op dat die heydens niet al ghemeyn Ga naar margenoot+
En segghen, waer is God haer Heer?
Wilt v wrake soe op haer bereyden
Dat wijt aenschouwen wij biddent seer.
Laet ons dat sien als ghijt sult wreken Ga naar margenoot+
Wilt sien, en hooren haer clachten aen
Die zijn gheuanghen, en hier versteken
Al om v woerden met druck beuaen.
Met uwer crachten wilt haer bi staen Ga naar margenoot+
Alle die si hier brenghen ter doot
Och Heere wilt straffen haer ghebreken
Die hier den goeden brenghen in noot.
Wilt dat verghelden onsen ghebueren Ga naar margenoot+
In haren schoot wel seuenfout
Nv laetse haren spot besueren
Die si v gauen met woorden stout
Wij zijn v scaepkens, Heer ons behout Ga naar margenoot+
Wij sullen dy met onsen mondt
Voer alle gheslachten, tot allen vren
Louen: en v wercken maken kondt.
|
|