Souterliedekens
(1540)–Willem van Zuylen van Nyevelt–
Auteursrechtvrij§ Den .lxxiiij. psalm Confitebimur tibi Deus. Nae die wise Een vrouwelijck beelt heeft mi in haren sin ghestelt WI Heer beliden hier altijt met ons vermaen Ga naar margenoot+
V
| |
[Folio L2r]
| |
 naem wi louen en roepen aen
En v wonderlijcke crachten Ga naar margenoot+
Wij prisen wel
En doen verstaen
God spreect ick sel
Dan oerdeelen snel
Al v ghedachten.
Dan sal dat aertrijck heel end al ghesmolten zijn Ga naar margenoot+
Die menschen wesen in swaren schijn
Die noch inder aerden leuen.
Ick const funderen,
(Wilt hooren mijn)
Die aerd regeren,
En confirmeren,
Soe daer staet gheschreuen.
Ick sprack den boosen, wilt v wachten van dat quaet Ga naar margenoot+
Ghi sondaers hoort na minen raet
Dat ghi niet en wort bedroghen
Wilt niet beminnen
Maer altijt haet
Hooueerdighe sinnen
Vre suldy winnen
Hoort nae mijn prologhen.
En wilt v hoornen niet verheffen, wie ghi zijt Ga naar margenoot+
| |
[Folio L2v]
| |
Teghens den Heer ghebenedijt
Wilt van gheen boosheyt spreken.
Int west, int oost Ga naar margenoot+
Tot gheender tijt
En vint ghi troost
Hoort mijn propoost
Want God salt wreken.
Den eenen hi vercleynt, den anderen hi eert Ga naar margenoot+
Sijn beker hi administreert
Ende schenct daer wt den quaden
Een quaden wijn:
Die rebelleert Ga naar margenoot+
Den goeden fijn
Een medecijn
Van zijnder ghenaden.
Ic sal verclaren dit, God louen talder stont Ga naar margenoot+
Sijn wercken altijt maken kondt
Straffen alle boose scharen Ga naar margenoot+
Haren hoghen moet
Brenghen te gront.
Maer die is goet
Minen wille doet
Dyen sal ick sparen.
|
|