Souterliedekens
(1540)–Willem van Zuylen van Nyevelt–
Auteursrechtvrij
[Folio K6r]
| |
 GHeeft dijn gherecht den Coninc schoon Ga naar margenoot+
Heer dijn gherechticheyt sinen soon.
Wanneer hi sal zijn een rechter vroet Ga naar margenoot+
Dat hi o Heer dijn armen
Mach rechten al doer zijn ordeelen goet
Laet ons die bergen den vrede soet Ga naar margenoot+
Voort brenghen, met gherechticheyt bescarmen.
Den armen sal hi rechten hier Ga naar margenoot+
End oock bewaren van dangier
Haer kinder: de spotters maect hy cleyn
En hi sal eewich bliuen Ga naar margenoot+
Met die Sonne ende maen ghemeyn:
En hi sal dalen opt aertsche pleyn Ga naar margenoot+
Alst water opten acker plach te driuen
Gherechticheyt, pays, ende vre, Ga naar margenoot+
In sinen daghen, coemt ons me
Tot dat die Mane haer schinen laet.
| |
[Folio K6v]
| |
En hi sal domineren Ga naar margenoot+
Van dwesten, al tot den dagheraet
So verre als die zee, ende aertrijck gaet
Sal ons Heer zijn rijck administreren.
Uoer hem vallen met grooter weerd Ga naar margenoot+
Die Mooren: laet lecken haer die eerd.
Die Coninghen brengen haer gauen daer Ga naar margenoot+
Ende schencken hem offerhanden
Sij aenbeden hem oock int openbaer Ga naar margenoot+
Hem sullen die menschen dan alle gaer
Dienen, in alle steden en landen.
Den armen sal hy maken vry, Ga naar margenoot+
Bewaren hem van zijn party
Hem sparen, en maken zijn siel ghesont. Ga naar margenoot+
Van woecker haer behoeden
Haren naem is eerlijck tot alder stont Ga naar margenoot+
Ende hy sal leuen, dat sy v kont Ga naar margenoot+
Men sal hem schencken ghiften ende goeden
Dan sal daer wassen een schone vrucht Ga naar margenoot+
Hooch op die berghen inder lucht.
Recht als den berch van Libano
Met vruchten is behanghen,
Haer vruchten die sullen bloeyen also
In allen steden wesen vro
Ghelijc dat gras met vruechden is beuangen
Sinen naem moet zijn ghebenedijt Ga naar margenoot+
Nv end eewich tot alder tijt
Sinen naem is voer die Sonne gheweest
In hem alle gheslachten Ga naar margenoot+
Ghebenedijt, ende onbevreest,
Sijn sij gheworden doer sinen gheest
Hem prisen alle menschen wilt dit achten
Gheloeft si God van Israhel. Ga naar margenoot+
Dat wonder doet, en niemant el.
Den naem van zijnder maiesteyt
| |
[Folio K7r]
| |
Die si gheloeft verheuen, Ga naar margenoot+
Die moet op aerden hier zijn verbreyt
Dat laet gheschieden met dancbaerheyt
O Heer wilt v ghenade daer toe gheuen
|
|