Souterliedekens

§ Den .lxvi. psalm Deus misereatur nostri. Nae die wijse Daer spruyt een boom in ghenen dal.

ONs Heer ons God ontfermen moet ⁺
En ons

+ Deus misereatur nostri et benedicat nobis illuminet vultum suum super nos et misereatur nostri.

[fol. I7v]

 

 

ghebenedyen.

 

Op ons moet schinen zijn aensicht goet

 

Nv en tot allen tyen.

 

 

 

Op dat wij in dit aertsche lant ⁺

 

Bekennen Heer v paden

 

Dat allen menschen mach zijn bekant

 

Den wech uwer ghenaden.

 

 

 

Laet v beliden alle man ⁺

 

Sij sullen v eer verbreyden

 

Laet alle menschen v prisen dan

 

En dancken v goetheyden.

 

 

 

Want ghi haer goede rechter zijt ⁺

 

Die menschen vruecht aenuaerden

 

Daer doer si hertelijck zijn verblijt

 

Dat ghise stiert op aerden.

 

 

 

Laet God v beliden groot en cleyn ⁺

 

V wercken exalteren.

 

Dat aertrijck brengt veel vruchten reyn

 

In dy wij glorieren.

 

 

 

Ghebenedyen wil ons God ⁺

 

Ons Heer moet zijn ghepresen

 

Sijn naem, zijn woerden, en zijn ghebot,

 

Het aertrijck moet hier vresen

+ Ut cognoscamus in terra viam tuam: in omnibus gentibus salutare tuum.

+ Confiteantur tibi populi Deus: confiteantur tibi populi omnes.

+ Letentur et exultent gentes quoniam iudicas populos in equitate: et gentes in terra dirigis.

+ Confiteantur tibi populi Deus: confiteantur tibi populi omnes: terra dedit fructum suum.

+ Benedicat nos Deus Deus noster benedicat nos Deus: et metuant eum omnes fines terre.