Souterliedekens
(1540)–Willem van Zuylen van Nyevelt–
Auteursrechtvrij§ Den .lxi. psalm. Nonne De Na de wise. Die eerste vruecht die ic ghewan EN sal mijn siel mijn Heer mijn Got Ga naar margenoot+
Niet onderdanich wesen?
Een sulcken Heer dat is het slot
Wiens naem moet zijn ghepresen.
Salicheyt coemt van hem altijt
Hi is mine God ghebenedijt.
Gheen trueren, sal mi berueren.
Hoe lang suldy eenen goeden man Ga naar margenoot+
Ghi boosen hier vernielen?
Wantmen v spel ghelijcken can Ga naar margenoot+
Bi mueren die ouer vielen
Ghelijck ghi hier met valschen moet
| |
[Folio I3r]
| |
Den goeden altijt veel lidens doet.
Den cleenen, doet ghi weenen
Daer om si dachten mijn naem end eer Ga naar margenoot+
Ende oock Gods wtuercoren
Te beletten, en te crencken seer
Sij lieten haer smeecken horen.
Sij spraken seer wel met haren mont
Maer boos en quaet was haren gront
Haer sinnen, zijn valsch van binnen.
Maer Gode, mijn siel weest onderdaen Ga naar margenoot+
Van hem is mijn patiency
Als mi coemt liden en droefheyt aen
Doet hi my assistency.
Hy is mijn sterckheyt, ende cracht Ga naar margenoot+
Mijn hulper hier dach ende nacht
Mijn verlanghen, sal hem aenhanghen.
Salicheyt en glorie me Ga naar margenoot+
Heb ick van God vercreghen
Mijn hoep, mijn troost, en al mijn vre,
Is in zijn naem gheleghen.
Nv hoept in God ghi menschen al Ga naar margenoot+
Want hy ons hulper wesen sal
Hem schencken, wilt v ghedencken.
Seer ydel, en van lichter aert Ga naar margenoot+
Sijn menschen, die niet en doghen
Alsmen haer duechden bi een vergaert
End als die zijn ghewoghen
Al bi haer ydele wercken boos
Waren si veel te licht altoos
Als veren, licht te weerderen.
En wilt in boosheyt hopen niet Ga naar margenoot+
Van roouen wilt v wachten
Yst dat v hier gheluck gheschiet
V hert, end v ghedachten
En wilt daer niet op stellen ghy
| |
[Folio I3v]
| |
Maer weest van herten daer af vry
Als die goeden v hier toe vloeden.
Eens heeft ghesproken (ic hebt verstaen) Ga naar margenoot+
Twee dinghen wou God verclaren
Dat zijn (wilt hooren dit vermaen)
Sijn macht, int openbaren
En Heer v goetheyt ghi verthoont:
Daer ghi die menschen mede croont
Nae haer wercken, leecken oft clercken.
|
|