Souterliedekens
(1540)–Willem van Zuylen van Nyevelt–
Auteursrechtvrij§ Den .L. psalm Miserere mei Deus. den welcken Dauid badt doen hi met Bersabea ghesondicht hadde Na die wijse. O bloeyende iuecht, notabel, wijs van sinnen. GOd mijns ghenadich zijt Ga naar margenoot+
Wilt mijnder toch ontfermen
Naer v ghenade wijt
My sondaer
| |
[Folio G8v]
| |
 wilt beschermen
Doer uwer goetheyden groot ghetal Ga naar margenoot+
Wilt doch wt wisschen mijn boosheyt al
Ic bid aenhoort mijn karmen
Mi vander boosheyt en sondigen val.
Noch meer wilt wasschen in desen dal
O Heer siet op v armen.
Want ick beken, bely, Ga naar margenoot+
Mijn boosheyt, en mijn sonden
Si staen altoos teghens my
En heb tot allen stonden Ga naar margenoot+
Ghesondicht o Heer voer v alleen
Ende quaet ghedaen voer v ooghen reen
Op dat ghi wort gheuonden
Warachtich in uwen woerden ghemeen
So dat ghi verwint, end anders gheen
Het oerdeel alder monden.
Want in boosheyden, och Ga naar margenoot+
Ben ick al hier ontfanghen
Mijn moeder die mi soch
| |
[Folio H1r]
| |
Was met sonden oock behanghen
Want siet, die waerheyt hebt ghi bemint Ga naar margenoot+
En hebt mi ghewesen daer ick was blint
Alle v verborghen ganghen.
V wijsheyt hebt ghi mi int herte gheprint
Al was si verborgen, ick hebse versint
Nae haer staet mijn verlanghen.
O Heer met ysoep goet Ga naar margenoot+
Sult ghi my hier besprenghen
Dat sal my maken vroet
En reynicheyt toe brenghen.
Dat sult ghi mi oock wasschen mee
En ick sal worden wit bouen alle snee
Mijn ghehoor sal doer v verhenghen Ga naar margenoot+
Crighen vruechde, blischap, ende vree
Ende mijn ghebeenten ghebroken ontwee
Sullen met vruechde vermenghen.
U aensicht precioes Ga naar margenoot+
Wilt van mijn sonden keeren
En al mijn weghen boos
Wt wisschen, aboleren
Schept doch in mi een herte puer Ga naar margenoot+
Eenen rechten gheest in mijn natuer
Vernyeut in mijn begheeren
En worpt mi doch niet in mijn ghetruer Ga naar margenoot+
Van v aensicht: noch doer liden suer
En laet mi uwen gheest ontberen.
Gheeft mi die blischap groot Ga naar margenoot+
Vwer salicheyt ghepresen.
Ende uwen gheest mingioot
Hier principael sal wesen
Die my beuesticht, en gheeft confoort
En ick sal dan v weghen leeren voort Ga naar margenoot+
Den boosen, die mids desen
Hen sullen tot v so dat behoort
Bekeeren, en die liggen in sonden versmoort
| |
[Folio H1v]
| |
Die sult ghi dan ghenesen.
Uan die bloetghierich zijn Ga naar margenoot+
Mijn God wilt mi bevriden
En mijn tong met bliden schijn
Sal dijn gherechte beliden
O Heere mijn lippen wilt open doen Ga naar margenoot+
End v lof sal wesen alle mijn sermoen
In minen mont tot allen tiden
Want hadt ghi ghewilt tot een versoen Ga naar margenoot+
Een offer, ick hadt v ghegheuen koen
Maer then sal v niet verbliden.
This God een offerhant Ga naar margenoot+
Een gheest vol droefheyts plaghen.
Een herte vol drucx gheplant,
Sult ghi Heer niet van v iaghen.
In uwen goeden wille doet Syon wel Ga naar margenoot+
So datmen die mueren van Ierusalem snel
Mach bouwen sonder versaghen
Dan sult ghi ontfanghen, en niemant el Ga naar margenoot+
Gherechticheyts offer: doer v beuel
Calueren naer dijn behaghen.
|
|