Souterliedekens
(1540)–Willem van Zuylen van Nyevelt–
Auteursrechtvrij§ Den .xxix. psalm Nade wise Minen geest heeft mi bedwongen O Heer v wil ick prisen Ga naar margenoot+
Dat ghi mijn ontfangher zijt
V wil ick eer bewisen
Dat ghi nyet en hebt verblijt
Mijn vyanden die plaechden
En my ver-
| |
[Folio E1v]
| |
 dructen hier
Als ick riep ende claechden Ga naar margenoot+
Ghenaest ghi mijn dangier.
Mijn siel wout ghi wt leyden Ga naar margenoot+
Al wt den helschen val
Ghi en wout van mi niet scheyden
Maer hieft my wt dat dal
Ghi heylighen wilt hem singhen Ga naar margenoot+
Sijn ghedachtenis verclaert
Van sinen heylighen dinghen
Sijn lof doch openbaert.
Sijn gramschap is ghebleuen Ga naar margenoot+
In zijn onweerdicheyt.
In sinen wil het leuen
God doer zijn cracht bereyt.
Tot tsauons duert dat trueren Ga naar margenoot+
Dat ons hier wil beuaen.
Bliscap sal bi ons dueren
Tot dat den dach coemt aen.
Als ick eens was voerspoedich Ga naar margenoot+
End alst mi ghinck seer wel
Doen sprack ick seer vrimoedich
Gheen dinck mi beroeren sel.
In dinen wil ghepresen Ga naar margenoot+
Mijnre schoonheyt gaefdy macht
End mijn suyuerlijck wesen
Gaeft ghi o Heere cracht.
Ghi woudt hier van mi keeren Ga naar margenoot+
| |
[Folio E2r]
| |
Dijn aensicht, Heere goet.
Dat deed my druck vermeeren
En qualijck zijn ghemoet
Daer om soe sal ick crachtich Ga naar margenoot+
Roepen, nacht ende dach
Tot v, o God almachtich
V bidden wat ick vermach.
Wat baet sal ick dan halen? Ga naar margenoot+
Wat vrucht in mijn bloet gheschiet
Als ick sal moeten dalen
Te grondt: en comen te niet.
Sal v moghen beliden Ga naar margenoot+
Het puluer? oft het stof?
V waerheyt tot eenighen tiden
Vertellen, oft gheuen lof?
Die Heer heeft willen horen Ga naar margenoot+
Bermhertich heeft hi gheweest
Met sinen wtuercoren
Mijn hulper, die mi gheneest.
Mijn kermen ghi tot vruechden Ga naar margenoot+
Keerde, o Heere fijn.
Mijn droefheyt doer v duechden
Liet ghi tot bliscap zijn.
Op dat v hier mach louen Ga naar margenoot+
Met sanck ende melody
Mijn glory God hier bouen
Dat niet versweghen sij
O Heere God verheuen
Eewich sal ick certeyn
V lof en glory gheuen
Beliden v alleyn.
|
|