Souterliedekens
(1540)–Willem van Zuylen van Nyevelt–
Auteursrechtvrij§ Den .xxvij. psalm Ad te Domine clamabo. Nae die wise Ick ghinck noch ghister auont, so heymelijck op een oort. TOt v so sal ic Heere Ga naar margenoot+
Roepen wt al mijn’ cracht
Swijcht niet ic bids v seere
Oft ick sal zijn gheacht
En worden gheleken in sulcken gheual
Den ghenen dieter nere
Hier climmen in een dal.
Die stemme van mijn kermen Ga naar margenoot+
Hoort Heer in mijn ghebet
Als ick wt streck mijn armen
Tot uwen tempel net
My bi den sondaers niet en seynt Ga naar margenoot+
| |
[Folio D8r]
| |
Met die in boosheyt swarmen
My Heere niet en scheynt.
Die met haer naesten spreken Ga naar margenoot+
Van vrede hier altoos
Vol quaets haer herten steken
Al nae haer werken boos Ga naar margenoot+
Nae haerder vonden schalck bedroch
Gheeft hen: als ghijt wilt wreken.
O Heer dat bid ick doch.
Nae haerder handen wercken Ga naar margenoot+
Wilt doch haer loonder zijn.
Sij niet en wouden mercken Ga naar margenoot+
Gods wercken goet en fijn.
Daer om sult ghyse alle gaer
Bederuen: en niet verstercken
Noch stichten en sult ghi haer.
God is tot allen tiden Ga naar margenoot+
Ghebenedijt voerwaer.
Mijn stem, en mijn beliden
Mijn bidden, en karmen swaer,
Wou hy verhooren sonder verdrach.
In droefheyt my verbliden.
Ontfanghen mijn gheclach.
Die Heere hooch ghepresen. Ga naar margenoot+
Altijt mijn hulper is.
Mijn beschermer wil hy wesen
Ick ben gheholpen wis.
Mijn hert dat heeft in hem betroudt
End ick ben doen ghenesen
Gheholpen sonder foudt.
Mijn vleesch wou hem veriuechden. Ga naar margenoot+
Ick sal wt minen wil
Beliden hem met vruechden,
Nemmermeer swighen stil
Die sterckheyt vanden sinen is hy Ga naar margenoot+
| |
[Folio D8v]
| |
Een beschermer vol van duechden
Van zijn ghesalfden vry.
U volck wilt bewaren Ga naar margenoot+
Ghebenedyen veel
Gheluck wilt openbaren
Dijn erffenis gheheel.
Wiltse regeren al ghelijck
Verheffen, ende sparen,
O Heer van hemelrijck
|
|