Souterliedekens
(1540)–Willem van Zuylen van Nyevelt–
Auteursrechtvrij§ Den .xx. psalm hooch te singhen Domine in virtute tua letabitur Nae die wise Mijn sinnekens zijn mi onttoghen. DIe coninc sal hem verbliden
O Heere God in uwe cracht
Hy sal tot allen tiden
Veruruechden hem in zijn ghedacht
Om dijnre salicheyden
Ghi gaeft hem zijns herten lust
Ghi gaeft hem zijns herten lust
Al wat zijn lippen verbrey-
| |
[Folio C7v]
| |
 den
Sijn wil en begheert hebt ghi gheblust.
Want ghi zijt hem voercomen Ga naar margenoot+
Met die alder beste gauen soet
Een croon hebdy ghenomen,
Seer precioes en daer toe goet
Daer me ghi hem wout croonen
Nae dleuen heeft hi ghehaect Ga naar margenoot+
Nae dleuen heeft hi ghehaect
Eewich woudt ghi hem thoonen
Eewich hebdy zijn daghen ghemaect.
Sijn glory is groot verheuen Ga naar margenoot+
O Heer in v salicheyt fijn
Ghi sult hem eere gheuen
En hem seer schoon hier laten zijn
Eewich sonder ophouwen Ga naar margenoot+
Ghi hem ghebenedijt
Ghi hem ghebenedijt
Eewich doer v aenschouwen
Sal hy met vruechden zijn verblijt.
Die coninck can hem betrouwen Ga naar margenoot+
Op God den Heer: in zijn ghenay
Daer en sal hi niet in flouwen
Noch zijn beroert vroech ende spay
V hant die laet doch proeuen Ga naar margenoot+
O Heer uwen vyant
O Heer uwen vyant
V niders dyet behoeuen
Laet hier beuinden uwe hant.
Ghi sultse soe verdouen Ga naar margenoot+
Met eenen fellen strenghen moet
Recht als een vierighen ouen
| |
[Folio C8r]
| |
Sal God verdullen dit ghebroet.
Het vier sal haer verslinden
Haer vruchten van aertrijck Ga naar margenoot+
Haer vruchten van aertrijck
Dat sy die niet en vinden.
Haer saedt bederuen al ghelijck.
Want quaet sij v toe keerden Ga naar margenoot+
En hebben versiert een boosen vont
Veel raets sij doen hanteerden
Maer en mochten die tot gheender stont
Vast maken, nae haer behaghen.
Ghi sultse heel te ruck Ga naar margenoot+
Ghi sultse heel te ruck
Met v ghewelt veriaghen
En brenghense in grooten druck
Ghi sult o Heere spannen
V pezen, in haer aenghesicht
Sijnt vrouwen, oft zijnt mannen
Weest ghi in uwe cracht ghericht Ga naar margenoot+
Verheuen in uwe deuchden
Dan sullen singhen wij
Dan sullen singhen wij
Louen v crachten met vruechden
En wesen van goeder herten bly.
|
|