Het oude Nederlandsche lied. Eerste vervolg: Souterliedekens

[p. 197]

111.
Ic arm schaep aen gheen groen heyde
(Ps. VII)

1.
Ick arm schaep aen gheen groen hey - - de
waer sal ic henen gaen?
Mijn lief wil van mi schey - - den
dat cost mi me - nighen traen
waer sal icx mi ont - hou - den?
die ic laetst coos is troos-te-loos,
dus blive ic in den rou - - we.

2.
O radt van avontueren,
Wildi niet ommeslaen
Dat mi mocht troost ghebueren
Alsoot voormaels heeft ghedaen?
Dus moet ick daerom trueren,
Den bitter doot besueren,
Och lief! wilt dit wel verstaen?

3.
Ghi jonghers int hanteren
Die nu ten spele gaen
Met Vrou Venus camenieren
Ghi moecht int wilde slaen,
Wildy altijt ghelooven
Peynst om dat eynde eer ghi beghint
So en wort ghi niet bedroghen.

4.
Ghelijc Sampson die stercke,
En verloos hi niet zyn cracht
Al door der vrouwen wercken?
Ende Salmon wijs bedacht
Moest oock den doot besueren
Die een yeghelijck can, tsij wijf oft man,
Brenghen in swaer dolueren

ANTWERPSCH LIEDBOEK. 1544 Nr. XCIII.

Een oudt liedeken.

Geestelijke omwerking 1551 Tilman Susato fol. XI. - 1562 † Schriftver. L. (Wackernagel Ndl. Ref. 139). - 1565* Ecclesiasticus nr. 18. - 1569 † Veelderh. fol. 154. - 1607 † Gulden Harpe 223. - 1618 † Soetjen Gerrits nr. 23.