Het oude Nederlandsche lied. Eerste vervolg: Souterliedekens

102.
Trueren so moet ick nacht en dach.
(Ps. LXXV)

1.
Trueren so moet ick nacht ende dach
ende lij - den also groot ver-langh - en
Om een die lief-ste die ick oeyt sach,
si heeft mijn herteken be - vangh-en.
Door-scho-ten heeft zij 't also me-nich-fout,
si heeft mijn hert' in haer ghe-wout,
Na haer staet mijn ver - langh - en.

2.
In wat plaetsen dat ick bin
Si staet in mijn gedachte,
Daer en mach gheen liever liefken comen in
Bi daghe noch oock bi nachte;
Dat heeft haer claer aenschijn ghedaen,
Woude si mi in haer herteken ontfaen
So waer alle mijn lijden sachte.

[p. 187]

 

3.

 

In alle dese werelt wijt

 

En weet ic geen so lief,

 

Als ic aensie haer claer aenschijn

 

Daer af neme ic alle mijn gherief

 

Maer lacen! als ick van haer moet zijn

 

So is alle mijn blijschap pijn,

 

Ick en doe niet dan suchten en beven.

 

 

 

4.

 

Helpt rijck God! hoe wee is mi

 

Als ic van haer moet scheyden!

 

Och mochten wi wesen van clappaerts vrij

 

So waer mijn herte ghenesen.

 

Si brenghen die menighe in swaer verdriet,

 

Schout quade tonghen waer gi se siet,

 

Si zijn so valsch ghepresen.

 

 

 

5.

 

Clappaerts moeten clappaerts zijn,

 

Ic wilse gaen laten varen

 

Ende schencken die alderliefste mijn

 

Thien duysent goeder jaren.

 

Si is die liefste op al aertrijck,

 

Ic wilse gaen dienen ghetrouwelijck;

 

God wil mijn liefken bewaren!

 

 

 

6.

 

Help rijck God Heere! hoe wee is mi

 

Als ic van haer moet scheyden!

 

Trueren, ghi blijft mi altoos bi,

 

God wil mijn liefken gheleyden!

 

Al is mijn avontuere dus cranck

 

Ic hope het sal beteren eer eyt lanck,

 

Den tijt moet ic verbeiden.

 

 

 

ANTWERPSCH LB. 1544. No. CXLVII.

 

Een oudt liedeken.

XV eeuw † Hoffmanns Hs. B. (Horae Belgicae X 116). - Na 1525 Cheltenham Hs. (Priebsch, Deutsche Hss. in England I 89). - 1539 Dev. en prof. herdruk bl. 164 geestelijk met een andere melodie. - 1567 den geheelen Souter (Wackernagel Ndl. Ref. 24). - 1568 Berlijnsch Hs. nr. 111 (Kopp, Euphorion IX 24). - 1570 † Offer des Heeren (Wackernagel l.c. 181). - 1574 Niederrh. Hs. 4 str. gedrukt Euphorion IX 24; de beginletters der strophen vormen een akrostichon op den naam Anna, vermoedelijk een latere optakeling terwille van den toenmaligen modeform. - 1589 Amst. Lb. bl. 154. - Tweede helft der 16^de eeuw geestelijk in een Brusselsch Hs. (Priebsch ZsfdPh. XXXIX 164). - 1618 † Soetjen Gerrits nr. 73. Andere geestelijke omwerkingen van Duyse III nr. 686.