Het oude Nederlandsche lied. Eerste vervolg: Souterliedekens

[p. 130]

60.
Ick weet een vrouken amoreus
(si heeft myn herte bevaen)⁶.
(Ps. XXVI)

1.
Ic weet een vrou-ken a - mo - reus
die ic met hert - - en min - ne,
Haer we-sen is so gra - ci - eus
si staet in mij - nen sin-ne.
Ge-sta-dich is si in alder stont.
Men vindt er niet seer ve - le,
want si heeft ee - nen roo - den mont,
twee borst - kens ront,
en - de een snee - wit - te ke - le.

2.
Alle vroukens heb ic lief
Om eender vrouwen wille;
Om haer lijt myn herte grief
Heymelijc, al stille.
Niet dan reyne eerbaerhede
En wil ic haer betooghen
Want si heeft een geluwe hayr,
Een aenschijn claer
Ende daer op twee bruyn ogen.

3.
Aen haer weet ic geen misset
Des wil ic vruecht orboren,
Haer tandekens zyn also wit
Al warent fijn yvoren,
Haer lippen bloeyen als corael
Ende ut gedaelt van kinne.
Waert geen zonde int general,
Dit ist principael,
Ic hieltse voor een goddinnne.

[p. 131]

 

4.

 

Moedich ende fier is die ganc

 

Mer selden coemt si buyten,

 

Haer vingherkens spelen snaren clanck

 

Op harpen ende op luyten,

 

Haer tonge, waer ic vruecht bi gewan,

 

Spreect woorden van Retorijcke.

 

Aerdigher en sach ick noyt an

 

Die vruecht ghewan,

 

Haer stemme singhet wel goede musijcke.

 

 

 

5.

 

Van leden is si wel ghemaect

 

Het schijnt een albasteren beelde,

 

Moecht icse noch aenschouwen moedernaect

 

Dat waer mijn herteken een weelde.

 

Gondese mi dan haer ghebruyck

 

Het mochte haer luttel deeren,

 

Want op haven witten buyc

 

Eenen swaerten struyc

 

Dat waer al mijn begheeren.

 

 

 

6.

 

Dit singhe ick ut jonsten reyn

 

Ter eeren van alle schoone vrouwen,

 

Want om mijn lief in swerelts pleyn

 

Op u staet alle mijn betrouwen.

 

Mocht mi ghebueren een cussen vrij

 

Van haer bloeyende wanghen!

 

Waer ghi zijt lief, peyst om mi

 

Als ic om dy,

 

Daer na staet mijn verlanghen.

 

 

 

7.

 

Princersse mijnder herten fijn!

 

Oorlof neme ic met desen,

 

Want u complexie is sanguijn,

 

Laet mi u dienaer wesen.

 

Schoon lief al hoort ghi wat

 

Quade tonghen die liefde scheeden

 

Al hoor ic van u in die stadt

 

Nu dit, nu dat,

 

Ghi en moecht mi niet verleeden.

 

 

 

ANTWERPSCH LIEDBOEK 1544. No. CIV.

 

Een nyeu liedeken.

1537 Weimar Hs. nr. 2 komt ongeveer met ons lied overeen, de lezingen zijn echter minder goed. - 1540 Forsters Frische Teutsche Liedlein II nr. 26 heeft de aardige variant str. 1 regel 7 lachenden mond. Voor 1542 Kamper Lb. A iiij. - Hs. van het British Museum Add. 35087 bl. 64^b (Priebsch Deutsche Hss. in England I 292). - 1565* Ecclesiasticus nr. 38 melodie zeer afwijkend. - 1570 † Offer des Heeren (Wackernagel Ndl. Ref. 181). - 1605 Princesse Lb. 109.