Het oude Nederlandsche lied. Eerste vervolg: Souterliedekens

[p. 113]

51.
Als alle die cruydekens spruyten
(ende alle dinck verfraeyt)⁶.
(Ps. LVI)

^*†

1.
‘Als al - le die cruy - de - kens spruy - - - - - ten
ende alle dinc ver-frayt,
ick wil mi gaen ver-muy - - - - - - - ten,
Ick ben mijns liefs te buy - - - - - ten,
Het com-pas gaet al ver-drayt
Tis recht schoon lief ic bens ont-paeyt’.

2.
‘Hebdy u boel verloren,
Wat schaden hebdy daer van?
Ick seyt u van te voren
Een ander had ic vercoren.
Daer leyt u seer luttel an
Al kiest ghi een ander man.’

3.
‘Wat schaedt den rijm der roosen?
Ghi veleyn door uwen hals!
Ghi waert die eerste glose
Die mi brochte in nose,
Dus leere ic nu van als
Vlaems, spaens, duyts en wals.’

4.
‘God groete u schoon kersowe!
Ghi snijt mijn herte ontwee,
Ghi zijt die liefste vrouwe,
Aen u staet mijn betrouwen,
In lant en over de zee
En leven nu geen liever twee.’

* Alle uitgaven A behalve 14 en 4, die B hebben.

† Alle uitgaven E behalve 7 14 21 26, die F hebben.

[p. 114]

 

5.

 

‘U lof, u danck, u waerde

 

Neme ick nu een verdrach.

 

Ic weet een ander op aerde,

 

Een edel man te paerde,

 

Een rijckaert diet wel vermach

 

Die vrijt mi nacht ende dach.

 

 

 

6.

 

‘Vrijt u een man t'eenen boele,

 

Een ruyter oft een baroen,

 

Wacht u dat hi niet en coele!

 

Want ghevoelde hi dat ick ghevoele

 

Hi en sou niet gaen aendoen

 

Een anders mans oude scoen.

 

 

 

7.

 

Adieu wel vuyl clergersse!

 

Tis meer dan scheydens tijt

 

Al ist dat ick nu messe

 

Ick leerde u die eerste lesse.

 

Trouwen! ick kent, ick lijdt

 

Boven alle die werelt wijt.’

 

 

 

ANTWERPSCH LB. 1544, No. I.

 

Een amoreus liedeken.

Vgl. Hs. van het British Museum MS Add. 35087 ‘Die crudekins die spruten’ (Priebsch, Deutsche Hss. in England II 290).