Het oude Nederlandsche lied. Eerste vervolg: Souterliedekens

15.
Looverkens dat syn looverkens.
(Ps. CXLV)

1.
Wie was die ghene die die loo - ver - kens brac
Ende die - se in der narren cappen stack?
Het wil hem o - pen ba - ren.
Wi rie - pen dat cruy - ce al van den he - mel an,
Wi vro - me lantsknechten al - le.

2.
Het was op eenen maendach
Dat men den storm voor Munster sach
Omtrent den seven uren;
Daer bleef so menich lantsknecht doot
Te Munster onder die mueren.

3.
Die storm die duerde een corte tijt
Tot dat die metten waren bereyt,
Die metten waren ghesonghen;
Doen schoten wi daer drie bussen los,
Al arm so sloeghen die trommelen.

[p. 37]

 

4.

 

Wi vielen Munster dapperlijck an,

 

Wi leden schade so menighen man.

 

Men sach daer menich bloet verghieten,

 

Men sach daer menigen vromen lantsknecht

 

Het bloet liep over haer voeten.

 

 

 

5.

 

Die lantsknechten waren in grooter noot,

 

Daer bleeffer wel drie duysent doot

 

In onderhalver uren.

 

Was dat niet een groote schare van volc?

 

Noch en sal geen lantsknecht trueren!

 

 

 

6.

 

Wi weecken in een wilde velt,

 

In die scanssen hebben wi gevuert ons gelt,

 

Eenen raet souden si ons gheven.

 

Wi riepen Maria Gods moeder aen;

 

‘Beschermt ons lijf ende leven!’

 

 

 

7.

 

Knipperdollinc tot sinen knechten sprack:

 

‘Ghi borghers, coemt hier op die wacht!

 

Laet ons den hoop aenschouwen!

 

Al waren si noch drie duysent sterc,

 

Den prijs willen wi behouden.’

 

 

 

8.

 

Een busschieter die daer was

 

Hi schoot drie cortouwen al op dat pas

 

Veel snelder dan een duyve:

 

‘Wistent mijn vader ende moeder t'huys

 

Si souden mi helpen trueren.’

 

 

 

9.

 

Die dit liedeken eerstmael sanck

 

Een vroom lantsknecht is hi ghenaemt,

 

Hi hevet seer wel ghesonghen.

 

Hi heeft te Munster aen dans gheweest,

 

Den rey is hi ontspronghen.

 

 

 

ANTWERPSCH LB. 1544 No.C LXVIII.

 

‘Van den storm van Munster.’

Dezelfde melodie naar de Souterliedekens, Ecclesiasticus 1565 no. 64. Als stemopgave: - 1577 Hofken der gstl. L. LXXXIIII ‘op die wijse vant Liedeken van Munster’ - 1581 Geuseliedekens 42 ‘op de wijse van Munster’, 49 ‘op de wijse van den storm van Munster.’ Liliencron, Hist. Vl. no. 456.