Tvoyage van Mher Joos van Ghistele

(VI, 10) [Het traject Damascus-Aleppo; het klooster van O.L.V. van Sêdnâyâ]

(293r) [N]aer dat de voorseyde ghesien ende besocht hadden de principaelste peregrinaigen binnen der voornoemder stede ende daer omtrent, zo worden zij vanden sinne te reysene naer een andere zeer vermaerde coopstad, ooc in Syrien staende, ghenaemt Allapen, mids dat daer ooc waren cooplieden die daerwaert wesen wouden, maer moesten zo zij zeiden onderweghe wat letten om hare nootsaken in eene stede, ghenaemt Aman,⁶¹ waer af de voyagiers voorseyt wel te vreden waren. Dus als den tijt quam dat zij al tsamen vertrecken zouden, waren in twijffel wat weghe zij nemen wilden. Den wech die loopt naer Balebec dwelcke den cortsten heedt, worden zij vanden advijse niet te reysene, ghemerct dat daer gheseit was

61 Zie aant. VI, 16.

[p. 300]

dien onzeker zijnde, met dat de zelve stede groote oorloghe hadde jeghens zekere doorpen, wel toot tien oft twaleven, daer diverssche hoopen van Arabianen hemlieden ooc mede moeyden, eeneghe over deen zijde, andere over dander zijde, roovende ende vanghende al dat zij ghecrighen consten. Eenen anderen wech duer een plecke, ghenaemt Carra, was hemlieden ooc ontraden, nochtans dat de cooplieden van dien lande aldaer meest reysen, ende es ooc de principale eerstrate, maer daer woonen zo vele gaffaren dat wonder es, die den passanten zeere (293v) nauwe besoucken, ende als zij eeneghe kerstenen bevinden ghecleedt in heydensche abijten, die moeten hem gheven al dat zij hesschen, somwijle tien oft twalef ducaten, oft emmer alzo vele min als zijt ghemaken connen, daer vooren de voorseyde hem zeere ontsaghen. Mids welken zij dien wech ooc niet en reden, nemaer coren eenen anderen bij rade der cooplieden van daer, zeere aerbeytelic ende moeytelic duer hooghe ende groote ghebeerchten, den welken zij nochtans te liever an namen omme der voorseyder redenen wille, ende ooc met dat zij aldaer zouden moghen versoucken Onser Liever Vrauwen van Sardenay. Scheedende dan van Damasco, rijdende naer Sardenay, zo lieten zij ter rechter zijden van hemlieden de groote planure metten lande daer omtrent, die in tijden voorleden ghenaemt plach te zijne dlant van Edon oft Ydumea, welc land oostwaert oft noortoostwaert up strect an Arabia Deserta toten lande van Hus, daer voortijts woonde de pacienteghe Job vooren ghenoumt, ghelijcmen daer af leest in zijnen eersten bouc. Dus reysende naer tghebeerchte, zo comt men eerst al duer groote lochtinghen, dorpen ende bogaerden, toot dies men vindt een schoon pleyn daer ter rechter hand men siet staen een zomer huus, ende noch ooc eene schoone costelicke edificie, ghenaemt dmastabyem⁶² des souldaens, daer zo wanneer eenich volc van wapenen comt ghesonden vanden souldaen, zij hare vergaderinghe maken ende verbeiden deen den anderen, toot zij alle versaemt zijn. Item dat leden ende noch voort rijdende, zo beghintmen corts daer naer (294r) te commene in een ghebeerchte, latende ter luchter hand tghebeerchte van Caym, ende daer in niet langhe ghereden hebbende, zo comt men toot eenen schoonen doorpe, ghenaemt Menie,⁶³ daer heydenen woonen zeere vriendelic ten kerstenen waert, ter causen dadt alle vrachtenaers zijn, die de coopmanschepe vanden kerstenen cooplieden pleghen te voerne tusschen Damasco, Allapen, Tripolij, Baruten ende tallen anderen plecken daer omtrent gheleghen, die den voorseyden groote chiere daden, hemlieden gheleeds doende toot Onser Liever Vrauwen van Sardenay zonder haerlieder cost. Dit doorp staet in grooten servituten. Te wetene dat zij alle djaer over, winter ende zomer, moeten leveren inde stede van Alkaijeren ten hove vanden souldaen onghesmoltene snee omme den dranc vanden heeren ende andere saken te vercoelene, nietjeghenstaende nochtans dat bij na twintich dachvaerden verscheeden es. Item de plaetse daermen de snee onderhoudt onghesmolten, es omtrent vijf of zes milen van daer, in diepe nauwe valleyen tusschen hooghe beerghen staende, daer duwieren in ghemaect zijn, inde welke men de snee vergadert ende stampt zo stijf deen in dandere dat schijnt hijs wesende. Item vanden voorseyden doorpe voort rijdende den rechten wech, zo sietmen ter luchter hand eene schoone groote fonteyne, commende van onder een ghebeerchte, zo overvloeyich van watere, dat daer bij tvoornoemde doorp ende al de planure daer omtrent ghewatert (294v)

62 Cf. aant, III, 36. Hier is de term blijkbaar gebruikt in een afgeleide betekenis: residentie.

63 tghebeerchte van Caym: Gebel Kasiyûn. Menie: Minîn.

[p. 301]

werdt; daer bij staen twee hooghe steile pointen van steenrootsen, duer de welke een nauwe weeghskin loopt daermen duer moet. Ende up talder upperste vanden ghebeerchte, ter rechter hand, heeft voortijts een schoon clooster ghestaen, al ghehauden uut eender steenrootsen, van welken noch dmeeste deel staet, anders dan ten zommeghe plecken sticken af ghevallen zijn, naer dat de steenrootse zoeter ende muerwer mach ghesijn hebben tereender stede dan ter andere; desen voorseyden berch es daer ghenaemt Gebelossene. Ende ronts omme inde steenrootsen sietmen noch vele diverssche cellekins, die in voorleden tijden vul plaghen te wesene van goeden devoten persoonen, ende inden beerch ende steenrootse ter luchter hand, daer plaghen de broeders vanden vorseyden cloostre ende andre devote persoonen daer omtrent woonende haerlieder sepultueren te hebbene, dwelc men aldaer noch zien mach. Desen voornoemden point vander steenrootsen es daer ghenaemt Jebel Aeyngieus, ende zijn alte wonderlic ende vremde tansiene. Noch voort rijdende altijts tusschen den voorseyden beerghen, als nu dalende als nu rijsende, lijdende vele schoone doorpen ende valleykins, vul van allen besaedtheden ende schoons wijngaerts, zo comt men ten doorpe van Sardenay, daer een vermaerde peregrinaige leyt van Onser Liever Vrauwen.