Tvoyage van Mher Joos van Ghistele

(II, 54)

[G]hevisenteert hebbende dese plaetse, wederomme rijdende, wat draeyende naer Bethleem wel twee milen weechs ten beerghe waert up, ende commende ghenouch int hoochste, ziende ten berghe waert vander Quarantene over de zijde ter Dooder Zee waert, zo heeft een groot ghestichte ghestaen oft een casteel gheweest hadde, dwelc plocht te heetene in ouden tijden Herodium, daer men seit dat Herodes Ascolonita, die de jonghe kinderkins dede dooden, begraven leyt, maer es nu al te nieuten ende vervallen;⁴²⁷ over desen beerch gheleden zijnde, zoo keerden zij weder naer Jherusalem ghenouch lancx eender valleyen, latende ter luchter handt Bethleem ende de plecken diemen (143v) naemt Gloria in Excelsis, Sanctus Helias⁴²⁸ ende alle de heleghe plaetsen daer omtrent. Ende ter rechter hand zo lieten zij Terram Roussam, de fonteyne van Martha, Betanien,⁴²⁹ ende oec alle de heleghe plecken daer onttrent. Ende naer dat zij ghereden hadden ghenouch eenen langhen, verren wech, zo vonden zij neghen of tien logisten van Arabianen, de welke daer onttrent ront omme laghen te velde ghesleghen in diverssche troppen naer dat zij de zoete wateren vonden hadden, in tenten van vellen van beesten, ee-

427 Over dit Herodium heeft Zeebout kunnen lezen bij Flavius Josephus, De bello Judaico, I, 21, 10 en I, 33, 9.

428 Gloria in Excelsis: bedoeld is ‘Turris gregis’; cf. Tvoyage II, 29; Sanctus Helias: de plaats nabij Bethlehem waar Elias gewoond zou hebben cf. Tvoyage II, 27.

429 Deze drie plaatsen zijn ter sprake gekomen in Tvoyage II, 31 en 32.

[p. 138]

neghe in tenten van lijnen lakene, andere in tenten van anderen cleederen, elc naer dat hij hadde, met hemlieden hebbende groote menichte van beesten, als coeyen, paerden, scapen, gheeten, kemels, mulen, ezels ende andere dieren daer zij bij leven naer hare maniere. Dese voorseyde Arabianen zouden tgheselscip inder waerheit berooft hebben, emmer zo zij de maniere maecten, en hadde gheweest duer de mammelucken die met hemlieden waren, ende ter bede van huerlieder weerd die van Sente Abrahams⁴³⁰ met hemlieden commen was, de welke al tsamen kenden den capitain van dien Arabianen, zo dat hij ter jonsten van hemlieden den gardiaen met zijnen gheselschepe liet gaen zonder dangier, hemlieden ghevende van haerlieder case ende melcke; ooc zo deden zij den voorseyden gheleets toot bij Jherusalem, alwaer hemlieden ten afscheedene ghedanct was van harer hoofschede, ende ghesconcken eene goede courtoisie.

430 Hebron; cf. aant. II, 405.