|
| |
| |
| |
Trivmph-liedt. Vande Deucht.
WIe is van cracht, oft macht soo groot,
In steden, oft in dorpen?
Fortuna, Fama, tijt, en doot,
T'is my al onder vvorpen.
Met Lauvvers ick mijn hooft omringh',
En voer den staf bepeirelt,
Om dat ick ouer-vvinn', en dvvingh'
Den vyant, t'vleesch, de vveirelt.
Wat is de snoode vveirelt oock?
| |
| |
Een blicxsem-vier, mist, damp, oft roock,
Sijn t'achten al haer lusten.
Seght, die de vveirelt hebt ghedint,
Wat loon hebt ghy ghevvonnen?
Al vvaert ghy haren besten vrint,
Meer dan een hant vol Sonnen.
Een lijne-cleet een houte-kint,
Mach sy voor t'lest u coopen.
V vrinden vrintschap ghy haest mist
Als elck van u gaet loopen.
De vveirelt mach u recht met pracht
Tot aen het graf gheleyden,
Met al u vrinden, en gheslacht,
Daer sal sy van u scheyden.
| |
| |
Daer laet sy u alleen in't graf
Maer ick en scheyd' van u niet af
In't leuen, noch in't steruen.
In vrees, in pijn, in druck, in leet,
Sal ick trouvv by u blijuen,
Gheen vier, gheen svveert, gheen doot hoe vveert
Die my van u sal scheyden.
Ick ben den trouvvsten vrint, dats vvis
Ick com den mensch ter baten
Als hy van al de vveirelt is
Ick sal ghetrouvv'lijck met hem gaen,
Daer yder sonder voordeel
| |
| |
Sal naer sijn vvercken loon ontfaen,
Voor Godts recht-veerdich oordeel.
Daer t'vlees, de vveirelt, en vyant,
Sal vvillen hem verdoemen,
Daer sal ick tot sijn onderstant
sijn goede vvercken roemen.
Hebt ghy hier mensche gheenen vrindt?
Wie sal hier voor nu spreken?
De vverelt die ghy hebt ghedint,
Is van u vvegh ghevveken.
Wie sal u verantvvoorden nu,
V dvvaesheyt vvilt eens mercken,
Als Godt den scherpen rechter, u
Ver-oordeelt vvt u vvercken.
| |
| |
Wel hem die my tot vrint verkiest
En mint: ick doen hem gheuen
Tot loon, als hy't hier al verliest,
T'besidt van't eeuvvich leuen.
T'ghesicht van't Goddelijck aenschijn,
Daer hondert-duysent jaren,
Nauvv schijnen eenen dach te sijn:
Laet dan de vverelt varen.
FINIS.
| |
| |
| |
Plaut. Amph.
VIrtus praemium est optimum, virtus omnibus
Rebus anteit profecto. Libertas: salus, vita,
Res, parentes, patria & prognati, tutautur, seruantur.
Virtus omnia in se habet, omnia ad sunt bona, quem penes est virtus.
| |
Iustus Lipsius.
SOla virtus praestat gaudium perpetuum securum.
FINIS.
|
|
Auteursrechtvrij