Triumphus Cupidinis. Encomium matrimonii. Nederlantsche poëmata

(1628)–Joan Ysermans– rechtenstatus



[pagina 184]
Sonet. Ter eeren den Poët. DE Neder-lantsche Ieucht, min lustich van manieren Ghestiert tot dertelheyt, is meest gheneyght tot vreucht Tot sanck, tot cloeck ghedicht vry siinde van on-deucht, VVaer mede sy hun liefs, en liefde diekvvils cieren. Siet tot Cupidos eer, heeft Musae vvillen stieren Den Sin-rijcken Poët, soo ghy hier mercken meucht, Die door sijn soet ghedicht, de herten maeckt verheucht Vlecht Lauvver cranskens dan, om hem het hooft te cieren. Doet yder vry u best, leest, singht met vreuchden bly Hier vint ghy dicht, en const, brenght lust en liefde by En vvilt soo naer u vvensch, u hert, en geest vermaken. Dees const van Ysermans, in u ghedachten druckt, En yder een tot sticht vvat vanden VVijngaert pluckt VVel hun die door trouvv min, tot echten staet gheraecken. Nuttet best van den Wingaert.