Triumphus Cupidinis. Encomium matrimonii. Nederlantsche poëmata
(1628)–Joan Ysermans–
Auteursrechtvrij
[pagina 125]
| |
Sonet.
HOe can de dvvase min, een siende hert verblinden?Ga naar margenoot+
Gheluckich is den mensch, die van haer vveghen scheyt,
VVant sy den droeuen val, van menich heeft bereyt,
Die hier in plaets van rust, de snooden onrust vinden.Ga naar margenoot+
Sy can het sterckste hert, aen een cleyn hairken binden,
Den vviisten maeckt sy dvvaes, den stercxsten sy verleyt,
De reden sy vervvint, met heete dertelheyt,
Dvvaes siinse dan die haer het minnen onder-vvinden.
Het schiint voorvvaer te recht, een Circes Toouery
Die beestich maeckt den mensch, door dulle raserny
Den vviisen dan met recht, scrickt voor het dertel-minnen.Ga naar margenoot+
VVat siin haer lusten? die beneuelen t'ghesicht?
Dan recht een ydel loecht, een blicxsemende licht,
Het vvelck verdvvenen is, eert vvel schiint te beginnen.
FINIS. |
|