Sonet.
Ter eeren den Const-vloeyenden Poët Ioan Ysermans Facteur vande Gulde vanden H. Gheest diemen noemt den Olyf-tack.
Op het vvt-geuen van dit teghenvvoordich Boeck.
POësis lofbaer const, sien vvy vveer Ieuchdich groeyen
Bevoeghticht met den dau, vant redenrijck verstant,
Die als den reghen nut, die valt int nutbaer lant
De sinnen gansch bequickt, en doet schoon vruchten bloeyen.
Ghy Neder-landtsche Ieucht, comt vvilt u neerstich spoeyen
Soo ghy Poësis mint, dit Boeck neemt dan ter hant
Als ghy door svvaeren geest, sout vvorden overmant,
VVaer in ghy vinden sult, veel dichten die soet vloeyen.
Siet hier voor d'eerst hoe dat den blinden Godt vervvoet
Het Goden tuygh hier tredt, vervvinnich met den voet,
En Moedich Triumpheert, ghecroont met Lauvverieren.
Lof sy u vveerde vriendt, u dicht, en uvven naem
Sietmen allom verbreyt, door vloghels vande faem
Die sy tot uvver eer, de vverelt om doet svvieren.
Auteursrechtvrij