Cyrurgie

Van bescautheit van hete water ofte van viere.

Nou willen wi jou leeren van⁺ bescauwinghen ende alse die mensche es bescaut van viere ofte van water of andersins. Cuere dertoe: Nemt haer van hasen wel cleene ghesneden dat leght der in al vol. Een ander: eist van viere gheberrent. Nemt de wortelen van der wilgen die snit cort in tween ende stampse ende dat minget met de(n) witte van den eye ende legghet der in dat voet wel. Een ander. Mester dierc seit Nemt calc ende dwaet 9warf. dan doeter toe alsoe vele oliën alser calxs es dit minghet al over een in modum unguentum ende daer met besalvet dat seer. dat gheneset. Een ander. Ende experimentator ons leert: Nemt olie van doders van eyeren. ende met een vederkin salvet dat seer dit trect hute den brant ende gheneset. Een ander dat die selve mester seit Nemt atramentum hier of maect poeder subtijl dat minget cum albuum ovorum et olium rosaceum in modum unguentum daer mede smeert dat seer. die brant sel hute gaen ende ghenesen. Een ander. Nemt een dinne platkin lodts dat leght op dat seer het gheneset. Een ander. Nemt slechusen. ende die berrent te pulver dat minghet met

line olie ende smeeret der op⁺ dat ghenest ¶ Experimentator. seit alse een dinc verberrent is

+ C 66b.

+ C 66c.

[p. 193]

men seller te hans lauwen wiin op legghen ende dien brant saller te hans utslaen. Ofte men leggher op mes van eenen osse laeu ofte olie van doderen van eyeren dat gheneset. ¶ Een ander. ¶ Nemt pou(r)celeine ende die siedt in water ende van dien cruden leght der op. ¶ Een ander salve seere goet ende notable jeghen verberrentheit. ¶ Nemt solen van ouwe schoen was olie rosaet dit soe smelt al over een in modum unguentum ende daer met besalvet dat seer Dit sacht ende ghenest alle verberrentheit. ende gheneest daer dat vel of ghevlogen es. ¶ Experimentator seit. ¶ Nemt .ij. doderen van eyeren ende daer mede minget oleum olivarum dit wel gheminget te gader ende dat selmen bestriken op tseer. ¶ Een ander. ¶ Nemt rapen smout dat slaet wel met water tote dat dicke si dan smeert dat seer met eenen vederkin ende daer boven geleit een dinne hooft cleet het gheneest. ¶ Een ander. Dat ons leert Galienus ende is warachtich. ¶ Nemt scorsse van groenen

⁺linden dit snijt in vele sticken ende siedtse in een lettel water wel lange Dan nemt die scorsse hute ende strijct dat water of ende dat ghi der of strijct Daer mede bestriket dat seer met eenen vederkine. ende dan leght der boven eenen floers cleedekin. ¶ Een ander unguentum. Dat ordinerden de viere mesters van salernen ende es seer goet op bescouwinghe ofte op verberringe. ¶ ℞ calx viva dat selmen dwaen .ix. warf dat sine scarpheit verliese Daer nae minget der mede oleum rosarum ende dwitte van eenen eye Dit slaet al over een in modum unguentum ende daer met bestrijct dat seer met eenen vederkine. ¶ Een ander. ¶ Nemt linden scorsse die siedt in watere lange dan nemtse hute ende strijct of dat vette met uwen vingeren daer met minget smout van coevoete ende olie van kenpe dat minghet al over een dan maket warme ende bestrijct dat seer met eenen vederkine. dit saelt ghenesen.

+ C 66d.