Cyrurgie

Dits den armen tresoer jeghen venin.

Dit es den armen tresoer jeghen venijn Int erste men sel nemen succus agrimonie ende dat drincken met witten wine ende dat es seer goet jeghen gheveninde beten van serpenten van honden van lieden ende van gheveninde zweeren.

Item ten selven. ¶ Nemt radicis diptannis radicis tormentilla .ana. .℥. j. hier of maect polver subtijl ende van dien pulver vorseit gheeft drincken een Ʒ te gaeder met witten wijne Dat doet te hans hute sceeden venijn probatum est. Een ander. de wortele van gencianen geleit in een vat wijns. bewaert die drinckers van venijn sonder twiffel. Een ander Nemt de wortele van affodilli die suldi pulveriseren ende gheven drincken

[p. 183]

dat verwaert die mensche van venine en[de] van quaeden spijsen ende drancken. Ende dese navolghende speciën ghenomen helpen jeghen venine ende beten van veninde dieren. Affo

⁺dilli. asa fetida. allium bd[e]llium. balsamum bdegar. centaurea. Draguntea. menta. Daucus creticus. diptanum. genciana. radicis yreos lilium. mel. oppopenac pix liquida. rafanus. ruta. spicanardi. ¶ Solsequinum squilla. sal. sansucus. Cicorrea ¶ terra sigilata. zedoarii. Dit siin elcm (l. electuarium) ten selven die men heet opiata. ¶ Esdra opiata litontripon ¶ jera fortissima galieni. Metridatum opiata. Tyriaca magna.

Hier soe kent den bouc van laseriën ende ruden ende pocken ende van gheveninde bestën ende hier nae soe comt den bouc van der navele ende van den cullen ende van den ghescorden ende oec van fistelen hoe dat die ghescepen siin ende die cuere van elcken ende hier na soe volget die taffele.

Die taffele der of.

Van clieren

Van stancke dat yrcus heet

Van clapphoren

Van fistulen

Van apostemen

Van flegmon

Van wonden zymia

Van ruptura

Van apostemen in der rooden

Van ulceriën ofte gate der roeden

Van apostemen der cullen

Van erina in testiculi in der cullen

Van den ghescorden sondersniden

Van der scorringen der navelen

Van den spenen int set

Van fistulen

Van den fondamente

+ C 60b.