Cyrurgie

Van der steken ofte beeten vander slanghen.

Alse een mensche es ghesteken ofte ghebeten van eener slanghen soe selmen nutten mirabolanorum citrinorum ende alsmen die stecten ofte beeten niet ne weet waer of dat es dan selmen persen op die stede ende dan selmer ventousen op setten die dat seer sughen. Dats omme datment der mede beroere ende dan selmer op bestriken

pullica ende men leggher op⁺ cancri contrici ende alsmen siet dat die stede beghiht te volne te zwellene te verhittene dats teekin dat die punctuere daer es van eenen quaden deerenden diere ende alst beghint te verrottene al zwart dats teekin dat noch niet doere ne comen si in den lichame dan nes noch tvernoye niet van den lichame maer hets ten aller quaesten alse die punture valt bi der herten ofte dat daer eene

+ C 59c.

[p. 182]

groete arterie si die welke dat dracht ter herte ¶ Ende men sel weten dat men sel nemen jeghen punture der slanghen: goet tiryaca magna galieni ende goet metridatum magnum ende men sel oec gheven medicamenten de asa ende medicine de hermodactali ende de pacient sel altoes drincken suveren wiin.