Cyrurgie

Cap. 33.
¶ Van diversen meesters³⁾.

Meesters siin van diverser manieren dbeen te spalkene. Het siin sulke die nemen tiersten .1. cleet dat si om dbeen winden ende nettent int wit vanden eye. dandere diere boven selen liggen in watere omdat die scrode was van iersten int witte genet dat het dbeen te vastere soude houden. dat niet en soude ontswingen no ontstricken deen been vanden andren. no besiden die scroden diere boven siin genet int water dore dat dbeen niet en werde geperst bi den witte vanden eye. dat water

3) Ontbreekt in G.

[p. 164]

⁺ververscet dwitte so dat dbeen te bat met gemake blivet. hier doen si wel. ¶ Maer alle die scroden genet int wit vanden eye. die mensce en sout niet mogen gedogen dor die persse entie dwinginge vander droochten van den eye. dat die gene soude carmen nacht ende dach also lange alse die scroden daer omme souden wesen. Ende dbeen soude verstormen ende werpen dat bloet in den voet ende soude daer bi groet swillen ende menege pine daer in gedogen tote die voet weder geslanct si. Hier doen si quaet.

+ B 146c.