Het siin sulke lieden die haer been breken waerbi deen zide vanden bene steect ten vlesce ute. ende maect ter stede ene grote wonde. Daer so es men sculdech dbeen te treckene alsoet vorseit es. Eist dat dat been niet en volget den groten bene binnen bi den treckene. so es men sculdech dbeen uut te treckene met ere pinche. Ga naar margenoot+Ende eist noot so salmen de wonde widen met enen scerse om te sachter dbeen uter wonden te doene. Ende te berechtene dbeen ende te spalkene alsoet vorseit esGa naar voetnoot2). ¶ Maer boven der wonden so en es men sculdech gene spalke te leggene no cleet. want waer die wonde daer mede bedect gelijc den bene. men soudse niet mogen vermaken elx dags. ende si soude bliven versmoort biden venine datter toe comt. omme dat tfenijn niet ute en soude mogen. ende tfier soude slaen ten bene bi der hitten. dat die gene daer af soude sterven. Dat been te spalkene alsoet vorseit es. ende iegen dieGa naar margenoot+ wonde .1. gat te snidene. waerbi men mach die wonde vermaken elcs dages .2. werf in den zomer ende in den winter een werf met wieken van stoppen of van linen clede genet in wijfs melc. omtrent die wonde gezalft met poplio(e)ne. daer boven .3. coolblade ende gebonden met scroden te gevoege gelijc ere ander wonde. Ende men mach .1. spalke boven der wonden doen veran vermakene te vermakene (?) maer beter waert gelaten. Ende te achterwaerne van tide te tide met wonden dranke te gevene tote die gene genesen es. ja de wonde geloken es te spalkene ende te verspalkene van .12. dagen teGa naar margenoot+ .9. dagen. van .9. te .7. van .7. te .5. tote hi genesen es.
Auteursrecht onbekend