Cyrurgie

Cap. 2.
¶ Va(n) de(n) canebene gewont of daer o(m)trent¹⁾.

Het gevalt menechwerf datmen wont enen mensce met snidender wapenen alse sweert of diesgelike optie scoudren dat men slaet toten ⁺canebene ontwee of enech ander [beenen C] daer omtrent. Esser⁺ enech been ontwee of gequetst. so doet ierst die scaelgiën ute die gi vint in die wonde. ende sijt versekert of die wonde niet dore en⁺ gaet. ende sidijs versekert so naytse ende dat diepe stekende metter naelden²⁾. waerbi dat die bodem vander wonden niet en blive versceden. mer wel voegende binnen so datter geen etter in mach bliven no wassen no luusscen. Ende dese steken siin vingers verre versceden deen vanden andren. so so datter dende van den vinger tusscen mach liggen. [niet de langde van den vinger maer de breede C.] Ende stect int hangende vander wonden .1. wieke gemaect van ouden suveren linen cledren of van stoppen datmen oec heet werc. Ende legt opten naet vander wonden trode pulver dat oec vorleert es. of albucasis pulver. dat⁺ oec root es gemaect. alsoet vorleert es. daerna so heiltse metter swarter zalven.

1) C: Van dat dat cac(e)been ghewont wert. G: Vanden cakebeene ghewont. L: Van den kaenbene dat ghewont wort.

+ C 49a.

+ L 165a.

+ G 107b.

2) In G schets van een naald.

+ G 107c.