Cyrurgie

Cap. 12.
¶ Van scorphule(n) of glandule(n) uut te broken³⁾.

Het hebben vele lieden geloven⁺ ane den coninc van vrankerike. dat hem god heeft gegeven [dye

3) C: Van des conincs evele. G: Vanden scrofulen de cuere. L: Des coninx evel.

+ C 48b.

[p. 136]

gracie G] te genesene die lopende scorphulen. Ende dat es allene met sinen begripene met siere hant ende dan te besiene. Het geneester vele met haren gelove ende onderwilen genesen sulke niet. ¶ Eenperlike seggen menege boeke van surgiën dat enech meester viseert. dat men den zieken leiden soude op .1. lopende water op sente Jans nacht in den zomer. ende ⁺doene daer op bloeden. so dat dbloet valle int water. ende hi seit oec datter vele souden genesen. ¶ Alst al es geseit so dunct mi dit die rechte cure entie zekerste. Nemet tpulver dat gescreven es int capittel van den wannen int boec vanden hoofde. van den welken gi doet .1. luttel optie scorphulen op elc sonderlinge. Ende dies ander dages so hebt swinen smout. daer in gesoden siin rode coolen. Ende dat legt daer op tote dat die clieren uut vallen. Ende comter een ander in die stede liggen. so doeter also toe. tote dat daer nemmeer en comt. ende dan heilt die wonde alse ene ander wonde. Ende also doet die gene die gi snijt. legt dat pulver opten sac die gi snijt ende die daer in ⁺blijft. Hier af so vorsiet u wel. dat ⁺gi den zieken niet en avontuert. no u selven niet en brinct in pelloten¹⁾. alse menech meester hem selven heeft bracht. bi dat hijs niet en conste. of bi roekeloesheiden.

Ende hier met si ons nu gnouch hier af.

+ G 104c.

+ C 48a.

+ G 104d.

1) G: pilote