Cyrurgie

Cap. 3.
¶ Va(n) ysopag(us) gewo(n)t so datt(er) die spise dore gaet⁵⁾.

Die wonde die men stect of sciet⁺ in den hals of in die kele. so besiet

dat gi versekert sijt hoet staet⁺ metter wonden. Gaet die wonde⁺ int march. so doeter toe als u vorleert es. Ende gaet die wonde in ysopagus so datter die spise dore gaet [alse dye gewonde et oft alse hij drinct G]. dese wonde⁺ geneest node. of niet. dats daerbi dat led es zenewech. Nochtan so radic dat gi legt dwingende pulver daer op. alse trode pulver es ende dander dat daer na volget. ende dat daerop bint wel dakende. ende daerna so onthoude hem die gewonde lange van etene ende van drinkene also lange alse hi mach ende so langer so beter. Want nature si verwerct hare onderwilen bi haerre subtijlre cracht dat si doet cleven die lippen te gadere⁺ vander wonden alse mer niet in en stect. dwelke doet versceeden die lippen vander wonden ende

5) C: Van ghescoten wonde. G: Vanden wonden ghescoten oft ghesteken inden hals. L: Van ghescoten wonden.

+ C 44c.

+ B 137a.

+ G 96b.

+ L 162a

+ G 96c.

[p. 127]

dit gecrijcht nature bi des vader zade dat in den mensce es. ende dat namelike in iongen lieden. dewelke niet siin versceden of verteert van des vader nature. Dese wonde heilt sonder wieken. mer ziedi dat si hem doet te heilene weret. dats datter niet uten wonden en come no van ate no ⁺van dranke. dan so geeft hem drinken desen dranc dus gemaect. ¶ Nemt glorifilate. hete netelen. tente. rode colen. honts rebbe. elcs .1. hantvol. campzaet .½. ℔. Ende al tcruut dat stampt wel sonder ⁺tcampsaet. dat en stampt niet want het soude geven olie. dit doet zieden in .3. stopen wijns. ende doet versieden tote .1. stope. ende daerna so ziet dor .1. linen cleet ende dan doeter in .1. luttel zeems om te zoetene. dat die zieke te bat soude mogen drinken. Ende legt optie wonde .1. root coolblat genet ⁺in den selven dranc. ende dan so bint die wonde wel. Dese dranc es goet in allen wonden gesteken of geslagen met te heilne sonder wieken. ¶ Ende ware u dese vorseide dranc te costelijc van wine so nemt die vorseide cruden ende groenen camp .1. hantvol. dit stampt al te gadere ende gieter op .1. peket ⁺wijns sonder meer. dit so sal staen driven sonder zeem¹⁾ desen dranc mach men oec geven gewonden ⁺lieden. Mer hi nes niet alse nuttelijc alse dierste. Nochtan so werct hi wel alsoet vorseit es.

+ C 44d.

+ G 96d.

+ L 162b.

+ G 97a.

1) L: dese dranc laet staen sonder sieden.

+ C 45a.