Cyrurgie

Cap. 11.
¶ Dits va(n) puuste(n) va(n)de(n) mo(n)t ende vande(n) vlage(n)¹⁾.

Die geneest also u vorleert es int capittel vanden puusten [ende vanden vlayinge vander tonghe G].

Ende esser hitte. so doetse also bloet laten in die hooft adre. ende met venteusen onder den kin. op dat si siin van heeter materiën of hete humoren. die gi bekent also ⁺u vorleert es het en ware of die zieke ware te flau of te cranc. ende doet vort also u in tselve capittel vorleert es²⁾. Ende na dat die zieke gepurgiert es. so wrivet sinen mont binnen met desen pulvere aldus. ¶ Nemt spodium ende datter toe behort. Ende comet van couden humoren so doet also u vorleert es. [Ende dair na wrivette metten zeeme ende metten atermente ende dair na dwaet den mont alsoet achter volghet G].

1) C: Van puusten in den mont. G: Vanden puusten vander mont.

+ G 81d.

2) De rest ontbreekt in C.