Cyrurgie

Cap. 12.
¶ Vand(er) vierd(er) smette(n) die al doge heeft bedect³⁾.

Die vierde smette die al doge⁺ heeft bedect so datmen niet en mach gesien ende al die zie es wit ende dat rechte witte es rootachtech. enten zieken dunct aldie werelt wit wesen. ¶ Doet hem dese cure. Maect hem brande in dat moruwe vanden hoofde. dats in den slaep. Ende daerna nemt dwitte van .12. eyeren in ene suvere scotele. ende dat slaet so⁺ lange met enen gespletenen stocke⁴⁾. so dat al wert scumende. Ende alst .1. stuc sal hebben gestaen so saelt

3) G: vander 4^er smetten. Ontbreekt in C en L.

+ G 57d.

+ G 58a.

4) Grove schets in G.

[p. 81]

onder siin cort water. ende daer in so net .1. plaester van catone ende dat legt optie oge. ende emmer die oge geloken. ende vernuwende onder dach ende nacht .20. werf. ende dit doet tote die zieke genesen si. Aldus seldi genesen die .4. manieren. also bevenoud seit niet anders toe te doene.