CLIII.
Van haer ben ik gescheiden.
1
Ghestadighe minne draghe ick altijt,
Dies lijdet mijn herte pijn.
Mocht ick noch sijn van haer verblijt,
Hoe vrolick soude ick sijn!
Tot haer soude ick my keren,
Gheen ander lief begheren,
Want sy is die alderliefste mijn.
2
Ist niet een druckelick leven
Ick hadder my toe begheven,
Ick en was niet dan een kint;
Ick dedet in corter uren,
Dat ick langhe moet besuren,
Eilaes, ick was so seer verblint!
3
Doen ick laeste met oghen aensach
Die mijn herteken heeft bevaen,
Doen was ick vrolick nacht ende dach,
Van haer ben ick ghescheiden,
Alle druck moet ick verbeiden,
Ik mach wel trurich gaen!
[Jan Roulans' Liedekens-boeck, Antw. 1544.]
Auteursrechtvrij