Historisch onderzoek naer den oorsprong en den waren naem der openbare plaetsen en andere oudheden van de stad Antwerpen

[p. 223]

V.
Charter van Hertog Jan den Vierde van het jaer 1415, wegens het besluiten en bevesten van eene plaets tusschen de Vischmarkt en de Kraeiwyk.

Jan, bider gracien Gods Hertoge van Lothrijk, van Brabant ende van Limburg, Marcgreue des heylichs rijcs, allen den ghenen, die desen brief selen sien, saluit. Want Wy onderwijst sijn dat in onser stad van Antwerpen, opter Scelt, tusschen de Visschemerct ende Kreywijc, omtrent onser borch, inder seluer borch grecht sekere plaetsen ombesloten ende ombewest⁽¹⁾ ligghen, daeraf Wy ende de selue onse Stad wael gescapen waren groten ende onverwienliken scade af te lijden, of een onuersienlike orloge oft onminne tusschen Ons ende onse nagheburen op stonde (dat God verbiede moet!), waerop niet versien en worde

(1) Ombewest, onbevest.

[p. 224]

van remedien, Soe eest dat Wy, begherende alle onraet ende scade te verhueden, die Ons ende onser vors. Stad biden voirs. ombeloken⁽¹⁾ plaetsen comen mochte, onsen wael ghemynden⁽²⁾ den Borgermeesteren, Scepenen ende Raide ons voirs. stad van Antwerpen gheorloeft ghewillecoert ende beuolen hebben, orlouen, willecoren ende beuelen mit desen brieue, die voirs. ombeloken plaetsen tusschen der voirs. Visschemerct ende Kreywijck omtrent onser vors. Borch ghelegen, te doen besluyten ende beluyken met mueren, vesten ende staketten, alsoe hen dat orborlixste sal dunken, dat Ons ende onser voirs. Stad eer ende weluaert, ende die voers. onse Borch ende Stad ende ingheseten den seluen daer bi versekert ende bewaert sijn, behoudelic altoes in allen saken onse heerlicheit ende recht. Ende des torconde hebben Wy onsen zeghel aen desen brief doen hanghen. Ghegeven in onser stad van Bruessel, xxij dagen in Meerte, int iaer ons Heren m.cccc ende xv, na ghewointe des hoefs van Camerike.

(1) Onbeloken, onbesloten.

(2) Wael ghemynden, welgeminden.

[p. t.o. 225]