Belgisch museum voor de Nederduitsche tael- en letterkunde en de geschiedenis des vaderlands. Deel 10
(1846)–J.F. Willems, [tijdschrift] Belgisch Museum–
Auteursrechtvrij
[pagina 118]
| |
Van dinghen die selden gheschien.Ic beghinne in mijn ghedicht aldus:
De raro contingentibus,
Dats van dinghen, diet wille besien,
Die harde selden ghescien.
5[regelnummer]
Papen siet men selden melde,
Ende die rijke es van ghelde
Siet men selden sorghen.
Armen man, die men wille borghen,
Hem mach selden yet ontdieren.Ga naar voetnootVs 9
10[regelnummer]
Oeverdich arm man van manieren
Bedijt selden, dats sijn recht.
Ende een onghewillich knecht
Doet selden (dats gheen spel)
Sijns meesters orbore wel.
15[regelnummer]
Malende molen sonder dief,
Ende een beginne sonder lief,
Eens backers huus sonder vier,
Eenen dobbeleere niet putier,
Ende eenen woekereere wel ghecleet,
20[regelnummer]
Eenen lecker die hem soe beleet
Dat hi niement sculdich en si,
Dit vint men selden, gheloves mi.
Subtyle meesters van ambachte
Staen selden langhe in een ghedachte.
25[regelnummer]
Die dorper, dits sonder saghe,Ga naar voetnoot25
Viert selden alle die heleghe daghen.
Ende een rechter es [selden] oec mede
Ghemint van alle die van der stede.
Die man die selve speelt overspel
30[regelnummer]
Betrout selden sinen wive wel.
| |
[pagina 119]
| |
Wive, die dickent den man antien,Ga naar voetnootVs 31
Sijn selden selve sonder vrien.
Selden eist oec, als ic wane,
Dat een quaet wijf betert met slane.
35[regelnummer]
Ghi sout mi selden eene goede stat toenen
Daer Inghelsche niet in en wonen.Ga naar voetnoot36
Ic wane men noyt jaermaerct vant
Sonder vrouwen van der hant.
Goeden wijn sonder coep,
40[regelnummer]
Rybauts hemde sonder cnoep,
Een questere sonder lieghen,Ga naar voetnoot41
Coepliede die niemant bedrieghen,
Een smeeker sonder baraet,Ga naar voetnoot43
Een samecoeper sonder loesen raet,Ga naar voetnoot44
45[regelnummer]
Een taelman warachtich al te male,Ga naar voetnoot45
Ende dat langhe te gader waleGa naar voetnoot46
Draghen, jonghe liede ende oudde,
Dats dat men selden vinden soude.
Scoene vrouwen sonder minnen,
50[regelnummer]
Ende den barbier vroet van sinnen,
Den Maerte sonder vorst,
Den coc sonder dorst,
Den putier goedertiere,
Den nayere sonder moy maniere,
55[regelnummer]
Den vlaminc sonder zweeren,
De smesse sonder niemaren,
Ende quade wive sonder scelden,
Dese dinghen vint men selden.
Lancman onghemate vroet,
60[regelnummer]
Cleene liede sonder hoeghen moet,
Witte liede coene te male,Ga naar voetnoot61
Manne met wijfachtegher tale,
| |
[pagina 120]
| |
Godtvruchtige sonder veinsen,
Vosachteghe liede sonder quaet peinsen,
65[regelnummer]
Stamelare sonder haestichede,
Haesteghe liede niet vrienthout mede,Ga naar voetnootVs 66
Sonder luxurie caluwen man,
Dits dat men selden vinden can.
Fransoise sonder overmoet,
70[regelnummer]
Aelmanne sonder zweerde goet,
Lombaerde sonder strijt,
Biddende oerdene sonder nijt,
Vulle scueren sonder muse,Ga naar voetnoot73
Vele wercken sonder confuse,
75[regelnummer]
Minne ende vier verborghen langhe,
Ende wijf goet bliven bi bedwanghe,
Oude liede sonder vrechede,
Jonghe kinder van sulker sede
Dat si gheerne ter scholen gaen,
80[regelnummer]
Dit vint men selden, sonder waen.
Suver maeghde, ghestade wive,
Vulmaecte kercke, nonnen rive,Ga naar voetnoot82
Heleghe lombaerde, dieve onversaecht,Ga naar voetnoot83
Inghelsche ghetrouwe, out wijf maecht,
85[regelnummer]
Jonghe kinder milde, hasen tam,
Dese vant ic selden daer ic quam,
Ende dit sijn, als ic versta,
Raro contingentia.
Niet si en moghen wel gheschien;Ga naar voetnoot89
90[regelnummer]
Maer al te selden sijn si ghesien.
Getrokken uit een handschrift der Bourgondische Bibliotheek te Brussel, No 837-845 van het inventaris, schrift der XVe eeuw, bl. 107 verso.
J.F. WILLEMS. |
|