Belgisch museum voor de Nederduitsche tael- en letterkunde en de geschiedenis des vaderlands. Deel 10

[p. 45]

Anthonis de Roovere.

By hetgene wy in het laetstvorige deel des Museums, bl. 187-195, over dezen Brugschen dichter hebben bygebragt, dient ook nog te worden vermeld eene openbare akte van begiftiging door het magistraet der stad Brugge van het jaer 1465, waervan ons onlangs eene kopy is ter hand gekomen. Die akte leest men ter stadsarchieven van Brugge, in den Nieuwen groenen bouck, fol. 208, verso, en is van den volgenden inhoud:

Anthuenis De Roovere, retorisien, was beghift by notabelen ende tghemeente, om zijn conste wille, van zesse ponden grooten tsiaers.

Opten laetsten dach van Sporcle anno lxv, Burchmeesters, scepenen, raden, hoofdmannen ende dekenen van allen ambachten van der stede van Brugghe, vergaderd zijnde in scepenen camere van Brugghe, omme zekere begheerte, die onze harde gheduchte heere ende prince mijn heere de grave van Charrelois hemme ghedaen hadde, naer dat zy den zelven onzen harden gheduchten heere ende prinche danckelicke antwoorde ghegheven hadden up zijn verzouck, so quam by hem Edele ende waerde Heere mer Jan de Baenst, ruddere, heere van Sent Jooris-in-Distelen, ende ghaf hemme int ghemeene te kennene, hoe dat Antheunis De Roovere, poorter van der voorseider stede, langhe jaren ten diverschen stonden veel ende hoofschelicke ghedient hadde, ende menighe ghenoughte van spelen van goeden moralitheden ende van anderen eerbaren esbatementen ghedaen

[p. 46]

ende ghespeelt hadde, ende dat hy mids dien wel waerdich ware, dat menne binnen der voorseider stede behilde ende verzaghe van eeneghen officie of ander, te dien hende dat hi te bet gehouden ware binnen der voorseider stede te blivene, ende de ghenouchte vander Rethorike aldaer te meer tantierene, ter eeren ende blyscepe van der ghemeenen van der zelver stede, zonder cause thebbene hem in andren plaetsen te vervreemdene ende te vertreckene, up welc verzouck de voorseide hooftmannen ende dekenen vertrec namen, ende worden met burchmeesters, scepenen, ende raden van der zelver stede veraccordeerende, dat omme de voorseide goede diensten, die de voorseide Antheunis uit fait van ghenoughelicken rethoriken ghedaen hadde binnen der voorseider stede van Brugghe, ende up hope dat hi die continueren zoude, ende gheene cause hebben te vervremdene van der voorseider stede van Brugghe: - Dat de voorseide Antheunis voortan hebben zoude zijn leven lanc gheduerende, van der voorseider stede goede, ter hulpe van zine theere ende costen¹ de somme van zes ponden grooten tsiaers, te wetene telcken zes maenden iij gr., daerof teerste payment wezen zal den eersten dach van septembre naestcommende, ende alzo voortan zes maenden te zes maenden, alzo langhe als de voorseide Antheunis leven zal ende binnen der voorseider stede van Brugghe wonen zal. Actum ut supra.

1 Van zine theere ende costen, van zyn verteer en mondkosten.